වැලිකතරේ.....

ඉතින් ආයුබෝවන්....!

2010-03-03T20:16:00.001+03:00

දන්නෙම නැතිව අවුරුදු 2ක් ගෙවිලා ගිහින්. ( ඇත්තම කියනවනම් අවුරුද්දයි මාස 8ක්). යස ඉසුරු සොයන් මම මෙහේ ආපු හැටි ඔයාලට මතක ඇතිනේ. ඒ එද්දී මගේ හිතේ තිබුණා යම් ඉලක්කයක් මා සපුරාගත යුතු යයි සිතන. 100%ක්ම නැතත් මම ඒ ලගටම ආවා. නමුත් ඒ එක්කම තවත් ප්‍රශ්ණ වැලක් පැන නැගිලා. මට තේ‍රුණු විදියට මේක තමයි ජීවිතේ කියන්නේ අපට කිසිම ප්‍රශ්ණයක් ගැටලුවක් නැත්නම් කිසිම දෙයක් වෙන එකක් නැහැ.

ඒ කොහොම නමුත් මේ රටේ හිටපු කාලය තුලදී මම අලුත් දේවල් ගොඩක් ඉගෙන ගත්තා. ඇත්ත කතා කරන්න (ලංකාවේ ඉදිද්දී සෑහෙන්න බොරු කියවෙනවා, මිනිස්සුන්ට පැහැදිලි කරන්න වෙන විදියක් නැති වුනාම බොරු කියන්න වෙනවා), පිලිවෙලකට වැඩ කරන්න, මගේ අයිතිවාසිකම් මට ලබාගන්න, තට්ට තනියෙන් ඉන්ටර්නෙට් විතරක් ඇතිව කෑම පවා නොගෙන ජීවත්වෙන්න, අන්තර්ජාලයෙන් ලමයි නළවන්න,මෙකි නොකි දහසක් දේවල්.... කවුදෝ කිව්වා වගේ ඉගෙනීම නවති‍න්නේ මළ දවසට තමයි.

ඒ වගේමයි මම මේ ලියන හැම අකුරක්ම හරහා SBU එකට ස්තූතිවන්ත වෙනවා. සිංහල වලට මම මේ තරම් ආසයි කියලා මටම දැනුනේ මම බ්ලොග් කියවන්නත් ලියන්නත් පටන්ගත්තයින් පස්සෙ. දැනට අවුරුද්දකට කලින් පටන්ගත් ‍බ්ලොග් ලියවිල්ල අද වෙනකොට කොයි තරම් ඉදිරියට ඇවිත්ද කොයිතරම් දියුණු වෙලාද කියලා මට පේනවා. මං මීට පෙර කොයිතරම් අන්තර් ජාලයේ සමාජ ජාලයන් වල සැරිසැරුවත් මේ තරම් සංවිධානාත්මක, තමන්ගේ අරමුණ කරාම නොසැලී යන, දිනෙන් දින දියුණුවෙන එකම සංසදය, සමාජ ජාලය SBU එක පමණයි.මෙයින් මා ඉගෙන ගත් දේ බොහෝයි. බොහෝ විට මම නම් සංසදයට මුල්දින වල ආවේ ලංකාවේ යාලුවො නැති පාලුව නැතිකරගන්න වුනත් එයින් ඔබ්බට මට යම්දෙයකට දායක වෙලා ඉගෙනගෙන, ඒක විදින්න ලැබුනා කිව්වොත් නිවැරදියි. ඒ වගේමයි කිසි දිනක නොදුටු බොහොම සුන්දර, උගත් නියම මිතුරන් රැසක් මට ලැබුනා.

පිටරට ඉදිද්දී දැනෙන මට දැනුන ලොකුම පාලුව ගෙදර අයගෙන් ආදරණිය බිරිදගෙන් දරුවගෙන් ඇත්වෙලා ඉන්න එක. ලංකාවෙදී කොහොම හිතුනත් ඒක සෑහෙන්න බලපානවා රට ආවාම. ඔබ පිටරටකට යනවානම් ටික කලකට හෝ යමෙක්ගෙන් යැපෙන්න බලා පොරොත්තු වෙන්න එපා. ඒ වගේමයි උපයන මුදල් මේ ‍රටේදීම වැයකරන්න තියෙන අවස්ථා එමටයි. හැබැයි ඔබගේ මුලික පරමාර්ථය අමතක කරන්න එපා (කාලිංගට SBU අමතක නොවෙනව වගේ !)

ඉතින් දැන් වැලිකතරට ආයුබෝවන් කියලා යන්න වෙලාව හරි. ලංකාවෙන් එද්දී මගේ බලාපොරොත්තු අවම කරන් ආපු නිසා හිතේ කිසිම දුකක් නැතිව මම ආයෙත් ලංකාවට යනවා. මං ඉපදුනු ඒ රට කොයිතරම් සුන්දරද කියලා අපේ බ්ලොග් අවකා‍ශයේ පිටරට ඉන්න මිතුරන් හොදින්ම දන්නවා. ඉතින් ආයෙත් ඒ සුන්දර රටට පයගහන්න මට තියෙන්නේ තව පැය කීපයක් විතරයි. වැලිකතරේ ආයෙත් ලියවෙන එකක් නැහැ. ඒ මම හෙට ඉදන් ඉන්නේ වැලිකතර‍ක නොවෙන නිසා... මේ බ්ලොග් එකේ නොයෙකුත් විදියේ ලිපි ලියවුනා. ඒ ලිපි වලට මට ලැබුනු ප්‍රතිචාර මාව දිරිමත් කලා. ඉතින් වැලිකතරට මෙතුවක් කල් ප්‍රතිචාර දුන්, මගේ බ්ලොග් හැමදාමත් කියවපු, මා පසුපස හඹා ආ, පෞද්ගලිකවම මාව සම්බන්ධකරගෙන යාලුවො වුනු ඔබ සැමට ස්තූතියි.

එහෙනම් ආයෙත් SBU බ්ලොග් අවකාශයේ හමුවෙන තුරු ඔබට ආයුබෝවන් !

(කරන්න වෙන වැඩක් නැත්නම් මෙතනට ගිහින් ඔලුව අවුල්කරගන්න)

මෙන්න මටම හරියන සිංදුවකුත් ලැබුණා.

කාලිංග, ඉන්ද්‍රනාම (තාක්ෂණික), සහ දුකා(මානසික) කල උදව් විශේෂයෙන් මතක් කරමි.

~

නොබැලූ ලියුම

2010-02-23T19:18:00.002+03:00

ආදරණීය අම්මේ, තාත්තේ

මේ ලිපිය ලියන අද මම මැදපෙරදිග වසර පහක් සම්පූර්ණ කරනවා. ලබන මාසෙ ගෙදර එන්නයි හිතන් ඉන්නෙ. කලින් නිවාඩුවට ගෙදර එද්දී වෙච්චි ණය ඔක්කොම ගෙවලා ඉවරයි. මේ නිවාඩුවත් එක්ක මම ගෙදර නවතින්නයි හිතන් ඉන්නෙ. මම ආයෙත් මෙහෙ එන්න අදහසක් නැහැ. මට හොද විශ්වාසක් තියෙනවා මට ලංකාවෙ හොද රස්සාවක් කරන් ඉන්න පුලුවන් වෙයි කියලා.

මේ ගැන ඔයාලත් අදහස් කියන්න.

මීට ආදරණීය,
පුතා.

+++++++++++++++++++++++++++++++++++++++
ආදරණීය පුතේ,

අපට ඔබේ ලිපිය ලැබුණා. ගොඩක් සතුටු වෙනවා ඔයා නිවාඩුවට එන එක ගැන. ඉතිරිය අම්මා ලියාවි. පුතේ, ඔයා දන්නවද අපේ ඉන්න ගෙදර තත්වයනම් බොහොම නරකයි. වැස්ස කාලෙට ගේ ඇතුලෙ ඉන්න තැනක් නැති තරම්. හැමතැනම තෙමෙනවා. වහලය අලුතින්ම හදන්න වෙයි මේ කාලේ ලී වල ගණන් හැටියට ඒක අපිට දරාගන්න බැහැ. හැමෝම කියන්නේ කොන්ක්‍රිට් දාලා උඩ තට්ටුවත් හදන්න කියලා. හරියට ගෙයක් නැතිව මොනව කරත් වැඩක් නැහැ. ඔය රස්සාව නවත්තලා මෙහෙ ඇවිත් ලැබෙන සොච්චම් පඩියෙන් කොන්ක්‍රිට් දාලා ගෙයක් හදන්න පුලුවන් වෙයිද? මම මේක කිව්වෙ ඔයාට මතක් කරන්න. පුතා හොද දෙයක් බලලා තීරණය කරන්න.

ඔබේ ආදරණීය

අම්මා.

+++++++++++++++++++++++++++++++++++++++
+++++++++++++++++++++++++++++++++++++++

ආදරණීය අම්මේ,

ඔන්න මේ කාන්තාරෙ අවුරුදු දහයක්ම ගතවෙලා අදට. ලබන මාසේ ගෙදර එන්නයි හිතන් ඉන්නෙ. ගේත් හදලා ඉවරනෙ, ඒ‍කට ගත්ත ණය ඔක්කොමත් ගෙවලා ඉවරයි. මේ සැරේනම් ගෙදර ඇවිත් නවතින්න හිතන් ඉන්නෙ. ත්‍රීවීල් එකක් හරි හයර් කරලා ගෙදර වියදම පියවගන්නයි හිතන් ඉන්නෙ. දැන්නම් මෙහෙ ඉදලා එපා වෙලා. මගේ ලමයි එක්ක සතුටෙන් ඉන්න තමයි අදහස.

මේ ගැන ඔයාලගෙත් අදහස් කියන්න.

මීට ආදරණිය
පුතා.

+++++++++++++++++++++++++++++++++++++++

ආදරණීය පුතේ,

ඔයාගේ ලියුම කියෙව්වම හරිම දුක හිතුනා. මගේ පුතා අපි වෙනුවෙන් පොඩි කාලේ ඉදන්ම දුක් වින්දා. මම මේ මතක් කරන්නමයි හිටියෙ ඔයාගේ නංගී දැන් කසාද බන්දලා දෙන්න වයසත් හරි. එයා බන්දල දුන්න නම් මගේ හිතත් නිදහස්. මම මැරෙන්න කලින් එයත් බැදල ඉන්නව දකින්න ආසයි. වැරදියට ගන්න එපා ඒ ගැනත් හිතල බලන්න. ඔයාම තීරණය කරන්න.

මීට
අම්මා.

+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++

ආදරණීය ස????(බිරිද)

අවුරුදු 14ක් ම ගෙවිලා ඉවරයි. දැන්නම් මට මෙහේ තිත්ත වෙලා. තවත් නම් මෙහෙ ඉන්න බැහැ. මගේ වීසා එකත් කැන්සල් කරගෙනම එන්නයි හිතන් ඉන්නෙ. නංගීගේ කසාදයත් හිතන් හිටියටත් වඩා හොදට වුණා. ඒකට ගත්ත ණය ඔක්කොමත් ගෙවලා ඉවරයි. මම මෙහේ වුණු ණයත් ඔක්කොම ගෙවලා ඉවරයි.

ලංකාවට ඇවිත් මොනවා හරි රස්සාවක් කරන්න ඉන්නවා. දැන්නම් බර වැඩ කරන්නත් ආමාරුයි. අධික රුධිර පීඩනයයි දියවැඩියාවයි දෙකම ඇවිත්. ගන්න පඩියෙන් බාගෙකට වඩා බේත් වලට යනවා. ලංකා‍වට ඇවිත් බේත් කරානම් හොදයි.

මීට
ජ????(සැමියා)

++++++++++++++++++++++++++++++++++++++

ආදරණිය ජ????(සැමියා)

ඔයාගේ ලියුම කියවලා මගේ ඇස් වලට කදුලු ආවා. ඔයානම් ආයෙත් රට යන්න එපා. අපි බැන්දයින් පස්සෙ මෙච්චර කාලෙකට මම ඔයාගෙන් කිසි දෙයක් ඉල්ලලා නැහැ. එත් දැන් මට ඔයාගෙන් දෙයක් ඉල්ලන තියෙනවා. ඔයාලගේ අයියා බැන්දයින් පස්සෙ අම්මා සෑහෙන්න වෙනස් වෙලා. එයාලගෙ පැත්ත අරන්. ඒවගේමයි මම අහගෙන මේ ගේ අයියලට ලියල දෙන්න යනවලු. එහෙම වුනොත් මේ දරුවයි මමයි ඉන්නේ කොහෙද, අපිට යන්න තැනක් නැහැ. ඔයාට පුලුවන්නම් අපේම කියලා ගෙයක් හදාගමු. ඔයා දන්නවනේ දැන් සිමෙන්ති, යකඩ බාස් කුලී කොයිතරම් ගණන් ද කියලා. මම මගේ හිතේ තියන දුක කිව්වේ ඔයාත් හිතලා බලන්න.

මීට ආදරණීය
ස????(බිරිද)

+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++

ආදරණීය ස????(බිරිද)

අවුරුදු 19ක්ම ගතවුනා. හිතාගන්නත් බැහැ මෙච්චරකල් හිටියද කියලත් තනියම මෙහේ. කොහොම හරි අපේ ගේත් හදලා ඉවරකරගත්තා. ඒකත් ලොකු දෙයක් නේ. තවත් නම් වැඩකරන්න බැහැ. මම රස්සාවෙන් අයින් වෙන්න කාලේ හරි. අස්වෙනවත් එක්ක ම‍ගේ අතට ලැබෙන මුදලත් හිතන් හිටියට ව‍ඩා අඩු ගානක්. මොනවා කරන්නද, අනික් අයටත් මීට වඩා සලකන්න තිබුනා ටිකක් වැඩිපුර ලැබෙනව නම්. කොහොම හරි මම යමක් කරගත්තනේ ඒ ගැන සතුටුයි. හැබැයි පවුල් ජීවිතයක් තිබුණෙම නැහැනෙ. මම අස්වෙලා ඇවිත් ලමයි, ඔයා, එක්ක ජිවත් වෙන්න ඕනෙ. මේ සැරේ නම් අස් වෙලා තමයි එන්නෙ.

මීට
ජ????(සැමියා)

+++++++++++++++++++++++++++++++++++++++

ආදරණීය ජ????(සැමියා)

ඔයාගේ ලියුම කියෙව්වයින් පස්සේ මම ගොඩක් සතුටුවුණා පරක්කු වෙලා හරි ඔය රස්සාව අත ඇරල එන්න ඔයා ගත්තු තීරණය ගැන. ඒත් පුතා කියනවා එයාට කොම්පියුටර් ඉංජිනේරුවෙක් වෙන්න ඉගෙනගන්න ඔනෙලු. පලවෙනි අවුරුද්දෙ ලක්ෂ හතරයි, ඉන් පස්සේ ලක්ෂ තුන ගානේ අවුරුදු දෙකක්. එකපාරම ඔක්කොම සල්ලි ගෙවන්න ඕනෙ නැහැ. කොටස් වශයෙන් ගෙවන්න පුලුවන්. ලංකාවේ හොදම කොම්පියුටර් ඉංජිනේරුවො ඉගෙන ගෙන තියෙන්නේ ඒකේ. මේ මාසේ 30ට කලින් රෙජිස්ටර් වෙන්න ඕනෙලු.

ළමයගේ අනාගතේ ගැන හිතලා ඉක්මනින් පිලිතුරක් එවන්න.

මීට,
ස????(බිරිද)

+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++
+++++++++++++++++++++++++++++++++++++++

ඉතින් ඔහු තමන්ගේ පුතාගේ අධ්‍යපනය වෙනුවෙනුත් දුවගේ විවාහ මංගල්‍යය වෙනුවෙනුත් අවුරුදු කීපයක් වැය කරලා අවුරුදු 27කට පස්සේ තමන්ගේ ප්‍රතිලාභ විදියට දියවැඩියාව, අධික රුධිර පීඩනය සහ කොන්දෙ අමාරුව කරපින්නගෙන රැකියාවෙන් අස්වෙලා ගුවන් තොටුපලට යන ගමන්, නිකමට වගේ තමන්ගේ කලිසම් සාක්කුවට අත දාද්දී අහුවුනා ඊයෙ පෙරේදාවක බිරිද එවපු ලිපියක්.

ඒක තවමත් කඩලා නැහැ......

ඔහු ඒක අතට අරන් නොකඩාම ආයෙත් දෙකට නවලා සාක්කුවට දාගත්තා.

ඒ ලියුම තමා ඔහුගේ මැදපෙරදිග ජීවිතේ ඔහු නොකියවූ එකම ලියුම...

පිංතූරය මෙතැනින් http://www.franchisefacts.biz/iStock_frustrated_man_worker.JPG

ගල්ෆ් රේඩියෝ වැඩසටහනකින් ආශ්‍රයෙන් කරන ලද අසංක්ෂිප්ත පරිවර්තනයකි

~

ලිකර් චොකලට් සහ අනංමනං

2010-01-30T13:18:00.001+03:00

ඕන් ආයෙත් කාලෙකට පස්සේ බ්ලොග් එක පැත්තෙ ආවා. පහුගිය දවස් ටිකේ ඡන්ද හරඹ බල බල හිටියා මිසක් බ්ලොග් සටහනක් ලියන්නවත් බැරි වුනා. කොහොම හරි මේ වාරේ මගේ ඡන්දෙ දාන්නත් බැරි වුණා.

පහුගිය දවස්වල සිද්ධ වුනු හොදම දෙයක් තමයි ලිකර් චොකලට් කෑම. අහම්බෙන් සෙට් වුනු යාලුවෙක් දුන්න මේ චොකලට් එක මොකක්ද කියල කිව්වෙ නෑ. මමත් ඔහේ කටේ දාගත්තා එක පෙත්තක්. කටේ ඒක දියවෙද්දී තමා රහස එලි වුනේ. මැද්දේ සීනි වලින් වටවුනු Cognac ! ! ! (මට අපේ කන බොන සෙට් එක සිහිවුනා..!) මගේ කට මොකක්ද වුනා වගේ ඒත් පැණිරස චොකලට් නිසා අමුතුම රසයක් දැනුනා. ඒක එපා වෙන එකක් නෙමෙයි. නොබොන අයටයි මුස්ලිම් අයටයි දීලා පොඩි ජොලියක් ගත්තා. හැබැයි ඉතින් පදමකට එන්න නම් මෙයින් චොකලට් පැකට් 2ක් වත් කන්න වෙයි. කවදාවත් මේ ජාතියෙ චොකලට් පෙත්තක් ලොකු වැඩිවගේ නිසා දෙකට කඩන්න නම් යන්න එපා. හරිම අපරාධයක් වෙන්නෙ. මෙන්න මෙතන ඒවා හදන හැටිත් තියෙනවා.

පහුගිය දවස්වල පැවැත්වුනු Qatar Rally එකේ පිංතූර තමයි මේ. ලොකුවට දැම්මට මටත් මේ ඉවෙන්ට් එක හැබහින් බලන්න යන්න බැරි වුනා.

.......................................................................................................

Windows 7 OEM කොපියක් ලැබුණා. තවම ස්ථාපනය කලේ නැහැ. බලමු ඒකත් දාලා...

........................................................................................................

සීතල නම් උපරිමයි ඒවගේමයි හුලගත්. හවස්කාලෙට එලියට බහිනව බොරු. තොල් පිපිරිලා, හම වේලිලා, සෙම ඇවිස්සිලා ලෙඩ ගොඩයි. හැමදාමත් රස්නෙම තියෙනවනම් හොදයි කියලා හිතෙන්නේ මේ වෙලාවට...

ගෙදරින් පිට තවත් අවුරුද්දක් ඇරඹිලා...

2010-01-08T09:05:00.002+03:00

පහුගිය දවස්වල තිබුණු වැඩ සහ ලෙඩ කන්දරාව නිසා බ්ලොග් සටහනක් දාන්නත් බැරිවුනා. ඒත් හැම වෙලෙම SBU එකනම් කියෙව්වා. කොමෙන්ට්ස් දැම්මා.

පහුගිය අවුරුද්දෙ ජනවාරි පලවෙනිදාට වඩා මේ අවුරුද්දෙ පලවෙනිදා සෑහෙන්න වෙනස්. මොකද අපිත් එක්ක හිටපු යාලුවො ගොඩදෙනෙක් ආයෙත් ගිහින් ලංකාවට. ඒ අතරෙ මේ කාන්‍තාරෙ මේ දවස්වල හරිම සීතලයි. අලි මදිවට කොටි වගේ මට අවුරුද්දකට පස්සේ උණ හෙම්බිරිස්සාව හැදුනා. දන්නවනේ කියල වැඩක් නෑ. හොදම වැඩේ මම දැන් ඉන්න නවාතැනේ එකම ලාංකිකයෙක් වත් නැහැ. උණ විකාරෙන් බොහොම අමාරුවෙන් ගිහින් බේත් ටිකක් ගත්තා. දැන්නම් සෑහෙන්න හොදයි.

ඉතින් හැම අලුත් අවුරුද්දකදි වගේම 2010ත් බලාපොරොත්තු ගොඩගැහිලා. හැම දේටම වඩා වැදගත් බලාපොරොත්තුවක් තියෙනවා. ඒ ගැන ලගදීම ලියන්නම්...!

'

මට ගමට යන්න... කුරුලු පිහාටුවක්...

2009-12-14T18:23:00.002+03:00

මං ආයෙත් අතීතෙට ගියා. 1980 ගණන් වල අම්මයි මායි තාත්තයි මාතර යනව මට යන්තම් මතකයි. ලංගම බස් එකක්. ඒත් මම හරි ආසයි බස් එකේ යන්න ඒ දවස්වල. ගමේ නැන්දලා මාමලා මාව පිලිගන්නේ හරිම හරසරින්. මං කන්න ආසම කිරිපැණි නොවැරදීම ලැබෙනවා එහෙ ගියාම.

ඒ දවස්වල අපේ සීයත් හිටියෙ මාතර. සීයා මා එක්ක වෙලට යනවා සමහර හැන්දෑවල. ඉර බැහැගෙන යද්දී ගොයම් කපපු වෙල් එලියේ මම සෙල්ලම් කලා. සීයා එක්ක ඔරු පැද්දා. කලුමාමා එක්ක දං කඩන්න ගියා. බෝවිටියා කැඩුවා. දවසක් එහෙම ගිහින් මහ වැස්සකට කොටුවෙලා බකිනි ගහක් යට තෙමි තෙමි හිටියා මට හොදට මතකයි. ගොයම් කපලා වේලිච්ච කුඹුරට වැටුනු වැහි පොද නිසා ආපු නැවුම් සුවද.... මේවා නිකන් හිතින් මවා ගත්ත ඒවා නෙමෙයි. මගේම අත්දැකීම්...

වයස අවුරුදු 13-14 වෙද්දී මං පාසල් නිවාඩු කාලෙම ඉන්නෙ ගමේ. මට ගමේ වෙනමම යාලුවො රොත්තක් හිටියා. ඇත්තටම ඒ යාලුවො කොලඹදී මට හම්බවුනු යාලුවන්ට වඩා සෑහෙන්න වෙනස්. කොලඹ යාලුවො ප්ලාස්ටික් නලා පිඹිද්දී ගමේ යාලුවො මට ගොයම් ගස් වලින් නලා හදලා දුන්නා. ඒ නලාවෙන් ආපු සද්දේ කොලඹ නලාවෙන් එන සද්දෙට වඩා හරිම ලස්සනයි. කාලය වේගයෙන් ගතවුනා. ටිකෙන් ටික නිවාඩුවට ගමේ යාමත් නැති වෙලා ගියා. හැම දෙයක්ම සංකීර්ණ වුනා. අන්තිමේදී රැකියාව කරන්න ගත්තම ගමත් මගේත් අතර තිබුණු ඒ සම්බන්දය වියලිලාම ගියා.

එදා මම වෙල්යායේ ඉදන් ගමේ මහ ගෙදරට එද්දී පහුකරන් ආපු හැම සෙන්ටිමීටරයක්ම දැන් වෙනස් වෙලා. රැකියාව කරද්දී කොයිතරම් වාරයක් මාතර ගියත් මට ගමේ ගෙදරට ගිහින් එන්න නිදහසක් තිබුනෙ නැහැ. (ඇත්තෙන්ම උවමනාවක් තිබුණත් නිදහසක් නැහැ) කොයිතරම් යාන්ත්‍රික වෙලාද... වගකීම් දාහක් හිතේ තියන් යන්ත්‍රයක් වගේ වැඩ කලා.

ඒ හැමදේම කරලත් අද, මම(අපි) මට නොලැබුනු දේ මගේ(අපේ) දරුවට දෙන්න උත්සාහ කරනව. ඒ මගේ දරුවට කවදාවත් මම ඒ ලබපු අත්දැකිම් විදින්න ලැබෙන්නෙ නැහැ. මේක චක්ර්යක් වගේ මගේ පියා ලබපු දේ වලින් 1% වත් මම විදිල නැතුව ඇති. ඒ වගේම මම විදපු විදින අත්දැකීම් මගේ දරුවට ලැබෙන්නේ නැති තරම්, ලැබුනත් ඒ කොයිතරම් කෘතිමවද?

බොහොම දෙනෙක්ට තමන්ගේ ජීවිතේ සුන්දරම කාලේ තමාගේ පාසල් කාලය.... ඒත් මටනම්... මගේ සුන්දරම කාලය තමා මං ‍ගමේ ගතකරපු ජීවිතය...

සීත කාලේ ඇවිත්

2009-12-02T19:25:00.001+03:00

Thanks for Geeker

ඔන්න ගිනි කාෂ්ඨකේ අඩුවෙලා සීත සුලං හමන්න පටන් අරන්. හරියටම දෙසැම්බර් 1 වෙනිදා වෙනකොට පරිසරයේ උෂ්ණත්වය 22 බැහැලා. උදේ එලියට බැස්සම නුවර එලියෙ වගේ සීතලයි. හවසට නම් හොදටම වැඩියි. මේ මං අත් විදින දෙවන ශීත සෘතුව කටාර්වලදී.

ගහ කොල වලට වුනත් අලුත් පණක් ඇවිත් කුරුලු සද්ද හැම තැනම. මේ වෙනස හොදට තේරෙනවා අපට නම්. අහසත් වලා කුලෙන් බරයි. ගිය අවුරුද්දෙනම් දුවිලි කුණාටු ඇවිත්, වැහැලා ලොකු වෙනසක් වුනා. ඒ මේ සැරේ නම් එහෙම නෑ. හැබැයි සීතලනම් වැඩිවෙයි වගේ.

මේ කාලෙට පාරවල් වල උදේට ඇවිදින ලොකු කලු වලස්සු වගේ නෝනලා ඒවගේම පැස්බර බිත්තර වගේ මහත්වරු පදික වේදිකාවල සුලබයි. ඒ එයාලා ව්‍යායාම වලට ඇවිදිනවා. නගර අලංකරන කටයුතු නැවත අලුත් වෙනවා. හැම තැනම මල් ගස්.

ශීත කාලෙටම බිහිවෙන වෙලාදාමක් වෙන ජැකට් කබා හැම ඉන්දියන් ඇදුම් සාප්පුවකම වගේ. රස්නෙ කාලෙට වේලාසනින් ඉර පෑව්වා වගේ සීත කාලෙට හවස 4.30 වෙද්දී ඉර බැහැලා ගිහින්.

වෙනදා දකින්න නැති යාන වාහන වෙන 1000CC වලට වඩා වැඩි මෝටර්බයිසිකල්, කන්වර්ටබල් කාර්, වගේ ඒවා.

මේ සීත කාලය මාස 2ක් තමයි උපරිම විදින්න පුලුවන් ආයෙත් පරණ පුරුදු විදියට පිච්චෙන්න.

~

Al Khor වල ආගිය තැන්...

2009-11-13T20:24:00.002+03:00

ඔන්න ඇවිත් සති දෙකකට පස්සේ පොඩ්ඩක් එලියට පහලියට බැස්සා. සති අන්තෙට දවස් දෙකක්ම නිවාඩු නිසා හරිම කම්මැලි. එලියට බැස්සා කියලත් මොනව කරන්නද මේ කාන්තාරෙ. මේ රට පුංචි එකක් වුනත් එක එක පලාත් පාලනය කරන්නේ වෙන වෙනම කට්ටිය. ඔවුන් Sheikh කියල හදුන්වනවා. ඇත්තටම පාලනයක් කෙසේ වෙතත් මේ පලාතේ ඉඩම් වල අයිතිය තියෙන්නේ මේ පලාත අයිති Sheikh කෙනාට. මුලු රටේම ඉඩම් අයිතිය රජාට.

මේ තියෙන්නේ Al Khor වලට එද්දී තියන නගර සීමාවට ඇතුල් වීමේ කුලුනු.

නගරය තවමත් ගොඩනැගෙමින් තියෙන්නේ. මේ නගරය දෝහා නගරයත් රාස්ලෆාන් තෙල් සහ ගෑස් නිධි වැඩබිමත් අතර පිහිටීම නිසා වානිජ වශයෙන්නම් ඉතාමත් සරුසාරයි.

මේ තියෙන්නේ ප්‍රධාන වටරවුම.

මේ දවස් වල දවල්ට අව්ව සැර වුනත් හමන සුලගනම් සිසිලසයි. සීත කාලේ එනබව කියන පෙරමග ලකුණු තමයි ඒ.‍

මේ තියෙන්නේ මුහුදු තීරය.

මේක වෙරල උද්‍යානයක් විදියට හැඩ ගස්වලයි තියෙන්නේ.

ලංකාවේනම් කොයිතරම් ලස්සනද මුහුදු වෙරල. කොයිතරම් ක්‍රියාශීලීයිද, ඒත් මෙහේ හරිම කම්මැලි පෙනුමක් තියෙන මුහුදු වෙරලක් තමයි තියෙන්නේ.

මේ තියෙන්නේ ධිවර වරාය. සහ සම්ප්‍රධායික මුහුදු යන යාත්‍රාවන්.

කාලෙකට කලින් මෙහේ බලකොටුවක් තිබුනලු මේ තියෙන්නේ ඒක මතක් වෙන්න හදපු අනුරුවක්.

................................................................................................................................................................

මම ඉතින් මුහුදු වෙරල පැත්තට ගිහින් ආයෙත් ලොකු රවුමක් කැරකිලා නවාතැනටම ආවා.

දවස ගතවෙලා ගිහින්. දැන්නම් මෙහෙ හිටියා හොදටම ඇති වගේ...

කාලයක් හොයපු මං ආසම සිංදුවක්...

2009-11-05T16:55:00.002+03:00

ඔබ දුටු ඒ මුල් දිනේ

මුලින්ම ගැයුවේ - සුනිල් පෙරේරා
දැන් ගයන්නේ - දුෂාන් ජයතිලක.

මේ ගීතය ඇහෙද්දී මගේ හිත ආයෙත් අවුරුදු ගානක් පස්සට යනවා. කොයි තරම් සුන්දර කාලයක් ද ඒක. මේ ගීතයේ මහ බර සාර තේරුමක් නැතත් මගේ හිත පිනවන නිසා මේ ගීයට මම කැමති. කලාතුරකින් ඇහෙන නිසාද දන්නෙත් නෑ එහෙම හිතෙන්නෙ.

මුල් ගීතය හොයාගන්න නම් බැරි වුනා. ඒත් මේකත් අහල බලන්නකෝ...

~

කාලෙකට පස්සේ...

2009-10-26T17:44:00.000+03:00

පහුගිය දවස් ටිකේ තිබුනු වැඩ කන්දරාවටත් වඩා හිතට නිදහසක් නොතිබුනු නිසා මොනවත් ලියන්න හිත් දුන්නේ නෑ... හැබැයි සිංහල ‍බ්ලොග් කියවනය නම් මග හැරියෙ නෑ. දවස් ගතවෙන්නේ හරියට සුලග හමනව වගේ...

මං මේ රටට ඇවිත් අවුරුද්දයි මාස තුනකට පස්සේ මගේ නවාතැන වෙනස් වුනා. ගිය සතියේ. දැන් ඉන්නේ දෝහා වලින් කිලෝමීටර් 60ක් විතර දුරින්. Al Khor, Al Hwar නම් වලින් හදුන්වන මුහුදුබඩ නගරයක. මේ නගරයෙන් භාගයක් පමණ තවමත් ඉදිවෙමින් පවතින්නේ. නගර මධ්‍යය නම් බොහෝම අලංකාරයි. මම මීට පෙර වතාවන් දෙක තුනකදී මේ නගරය පහුකරල ගිහින් තියෙනව.

රතුකරල තියෙන්නේ වැඩකරන තැන

මෙහෙ වැඩකරන තැන කැඩෙට් පාසලක්. අලුත් අත්දැකීමක්. ලොකුම වෙනසකට තියෙන්නේ මගේ නවාතැනේ ඉන්න එකම ලාංකිකයා මං වීමයි. ඉතින් කලින් වගේ උයාගෙන කෑම්, සතුටු සාමීචි නැහැ. සියල්ලන්ම තම තමන්ගේ කාමර වල.

තවම මට මේ නගරයේ හරියට ඇවිදින්න බැරි වුනා.
ලගදීම වැඩිවිස්තර එක්ක පිංතූර දාන්නම්.

මේ දවස්වල හවසට කාන්තාරෙට හිනී වැහි සුලගක් එනව... (වීශේෂයෙන් මුහුදුබඩ නිසා වෙන්න ඇති) ඒ වෙලාවට හිතේ අමුතුම පාලුවක් තියෙනව.

තනිනොතනියට ස්කයිප් තියෙන නිසාත්, මගේ බ්ලොග් මිතුරන් ඉන්න නිසාත්, සිංහල බ්ලොග්කරුවන්ගේ සංසදය තියෙන නිසාත්, හිතට දුකක් නැහැ.

ආයෙත් හමුවෙමු.

~~~

බොන්න එපා.. විඳින්න..

2009-10-12T16:40:00.005+03:00

අපේ “ම” ගේ “මගේ මරණය” බ්ලොග් එකේ ලගදී දැකපු පෝස්ට් එකක් නිසා තමා මේක ලියන්න හිතුනේ.

මම ලංකාවේදී දෙවනි වතාවට කරපු රස්සාවෙදි තමා මුලින්ම අරක්කු ටිකක් කටේ තියන්න පටන්ගත්තේ. ඊට කලින් අවස්ථා ගණනාවක් ආවත් මම ඒ හැම එකක් ම මග ඇරියා. මටනම් හිතෙන්නේ ඒ ඕනම දෙයක් කුලුදුලේ පටන් ගනිද්දී තියෙන සහජ බය නිසා වෙන්න ඇති.

හැබැයි ඇත්තටම මං මත්පැන් ටිකක් මුලින්ම බිව්වේ මගේ පාසල් නිවාඩු කාලේ ගමේ ඉදිත්දියි... ඒ අපේ ලොකු මාමා කුඹුරේ ඉදන් ඇවිත් රා වීදුරුවක් සප්පායම් වෙද්දී.. මටත් ඕනා වුනා ඒකේ රස බලන්න. මොන රසක්ද මගේ මූණ ඇඹුල් වුනා විතරයි.

පස්සේ රැකියාවට යද්දී සෙට් වුනු මගේ ගජ මිතුරන් එක්ක දියවන්නාව ලගට ගිහින් බියර් සල්ලි දීලා අරන් වෙන කඩේකින් අරන් එන කෝලා බෝතලේට 70%ක් අරක්කු මිශ්‍ර කරලා බියර් සැන්ඩි කරලා බොන හැටි...(එතන බොන්න දෙන්නේ බියර් විතරයි) හික් .. හරියට උගුඩුවො වගේ.

මුලදී මේ සෙට් වෙන එක හරිම ජොලි වැඩක් වුනා. බොහොමයක් වෙලාවට අපි සෙට් වුනේ මාස්පතා. හැබැයි එදාට කොල්ලෝ ටික කණ සාක්කුවේ දාන් තමා ගෙදර යන්නේ. මේ සෙට් විල්ලට කලින් තියෙන වාතාවරණය හරිම උනන්දු සහගතයි. හවස් වෙද්දී හැම වැඩක්ම ඉවර කරලා.. ගෙදරටත් චූටි බොරුවක් කියලා වැඩේ පටන් ගන්නවා ගග අද්දර...

කාලය ගලන් යද්දී පසුම්බි වල සල්ලි ඉවර වෙනකල් නැති සල්ලිත් එලියට අදිමින්.. එකිනෙකාට තමන්ගේ හැකියාව පෙන්වමින්.. බීමත් කම පෙන්නමින්.. වැනි වැනි වැහි දවසක නම් තෙමි තෙමි ගෙදර යනවා..

මේ වෙලාවෙදි හැමෝම පෙන්නන්නේ තමන්‍ට කෙලින් ඉන්න බැරි බවක්. පුදුම වැඩක් කියන්නේ මෙහෙම බීමත් වුනු වෙලාවල කියන කරන දේ ඒ වෙලාවට විතරක්ම සීමා විමයි. පස්සේ වෙලාවක ඒ ගැන කතා කලොත් කියන්නේ කන බොන වෙලාවල කියන කරන දේවල් ගණන් ගන්න එපා කියලයි.

මේ හැම දේකටම වඩා අවුල මට මේ බීමන් පස්සේ ලොකු වෙනසක් නොදැනීමයි. ( ඇත්තම කිව්වොත් මත් ගතිය මාව තව තවත් ගොලු බවට පත්කරනවා) හැබැයි මේ බව මම අනෙක් අයට නොපෙන්ව ඉන්න බලන්නේ මම හොරට බීල කියල කියන නිසයි.

පස්සේ මට තේරුණා මේ අපි කරන්නේ කොයිතරම් බොරු වැඩක්ද කියන එක. වීශේෂයෙන්ම නොදරුවාගේ කොමෙන්ට් එකේ වගේ මමත් උත්සාහ කරා යාලුවන්ව ඒ ගැන උනන්දුවක් ඇති කරන්න. ඒත් එතන තිබුනේ ඊර්ෂියාව, බලපුලුවන්කම, කුහක කම වගේ නරකාදී අදහස් මිසක් බීමේ වින්දනයක් නොවෙයි.

තමා තමාගේ පමණ දන්නව නම් කිසිම අපහසුවක් නෑ කාටවත්. විශේෂයෙන් බීමක් රස විදින්නනම් වැඩිම උනොත් දෙන්නෙක් හොදටම ඇති. ‍බෝතල් ගාන ගණන් කරන්න බීම ලොකුම බොරු වැඩක්. සැර බීම තිත්තයි. එත් ඒ තුල යම් සැගවුණු රසයක් තියෙනවා. පුද්ගලයන්ගේ අදහස් සංකල්පනා තුලින් යම් කාලයක් තමන්ට වින්දනයක් ලැබිය හැකියි. ඒත් ඒ වින්දනය පුද්ගලයාගෙන් පුද්ගලයාට වෙනස් වෙනවා.

කොහොම නමුත් සමස්තයක් ස්ත්‍රී පාර්ශවය නම් කියන විදියට ඔවුන් මේ බීමට එක හෙලා විරුද්ධයි. ඒත් තමන්ගේ සැමියා හෝ පෙම්වතා යම් උත්සව අවස්ථාවක ටිකක් බිව්වට කමක් නෑ වගේ තමයි ඉන්නේ. බොරු විරුද්ධත්වයක් පෑවත් හිතයටින් කැමතියි අරක්කු ටිකක් බොනවනම්. ‍‍‍
(කාට කියන්නද? හික් හික්..)

මේ ලිපිය ලිවිල්ලෙන් මම අදහස් කලේ බොන හැටි කියල දීමක් නොවෙයි. ඕනම දෙයක් කන්න බොන්න අයිතිය තියෙන්නේ තමන් අතේ

නෙට්බුක් Hands-on

2009-09-22T08:51:00.007+03:00

පහුගිය දවස්වල අතගාපු ‍(Hands-on) මිනි නෙට්බුක් තමයි මේ තියෙන්නේ. මේ පරිගණක පිලිබද මට ලැබුණු අත්දැකීම් තමයි පහත දැක්වෙන්නේ.

මේ නෙට්බුක් වල තියෙන පොදු ලක්ෂණ තමයි Atom Processorයක් සහිත වීම, 1GB රැම්, වයර්ලස්, බ්ලූටූත්, වෙබ්කැම්, 3 cell බැටරි, 10.xx LCD තිරයක් සහිත වීම,වින්‍‍ඩෝස් XP සහ CD/DVD ROM රහිත වීම.

Compaq Mini

- සාමාන්‍ය නෙට්බුක් එකක්. මැට් (නොදිලිසෙන) තිරය සිත්ගන්නාසුලුයි. Touchpad භාවිතය අසීරුයි. මිල රුපියල් 50,000ක් පමණ.

------------------------------------------------------------------------------------------------

HP Mini

- නෙට්බුක් පරිගණකයකට අවශ්‍ය හොදම Built Quality එක මම දැක්කේ මේ HP එකෙන්. යතුරු පුවරුව අනර්ඝයි. මෙටලික් නිමාවක් සහිතයි. වයර්ලස් සහ Power On/Off ස්ලයිඩර් අසාර්ථකයි. මිල රුපියල් 56,000ක් පමණ.

------------------------------------------------------------------------------------------------

Dell Mini

- පිටත පෙනුම අලංකාරයි. ඒත් අනෙක් නෙට්බුක් දෙකටම වඩා ‍වේගය අඩු බවක් දැනුනා. සයිලන්ට් යතුරු පුවරුව සුපිරියි. පිටත කවරය විවිධ වර්ණ වලින් ලබාගත හැකියි. මිල රුපියල් 50,000ක් පමණ.

------------------------------------------------------------------------------------------------

මා අත්දැකපු විදියට නම් මේ මිනි පරිගණක වඩාත් සුදුසු අන්තර්ජාල සැරිසරන්නත්, වර්ඩ් ප්‍රොසෙසින් වැනි Office පැකේජ වල වැඩ කරන්නත් විතරයි ( Office 2007 වලදි යම් පසු බෑමක් සහිතව) ඒ වගේමයි නිතර ගමනේ යෙදන අයට වඩාත් උචිතයි. මෙහි එන රැම් මතකය බොහෝවිට මව්පුවරුවට ස්ථිරවම සම්බන්ධ කර තිබෙන නිසාත් වැඩිපුර රැම් යෙදිය නොහැකි නිසාත් කිසියම් අවදානමක්ද සහිතයි.

(නමුත් Acer Aspire one මිනි පරිගණකය රැම් මතකය වැඩි කිරීමට එක් ස්ලොට් එකකුත් වයර්ලස් අන්තර්ජාල පහසුකම් සදහා සිම් පතක් එක්කිරීමටත් හැකියි)

** මෙහි දක්වා ඇති අදහස් මා ලද අත්දැකීම් මත ලියවුනු එකක් වන අතර භාවිතයේදී ඔබ ලබන අත්දැකීම වෙනස්විය හැකියි.

ඡායාරූප Nokia N70 - ස්තූතිය රුවන් මිතුරාට

කුඩ්ඩා...

2009-09-16T18:28:00.004+03:00

විභාගෙට ටික දවසයි...

මම හවස පංති යන ගමන්...

නාදුනන රුවක් මං ඉදිරියේ පංතිය පෙනෙන මානයේ හිටගෙන...

තරුණයෙක්... හැඩිදැඩියි...

මල්ලී, මෙහෙට එනවා
තමුසේ කොහෙද යන්නේ ක්ලාස්ද?
ඔව් ඇයි අයියා..?
ඇයි.... මේ තමුසෙලග තියෙන සල්ලිවලින් රුපියල් 10ක් දෙනවා
මම ලග තියෙන්නෙම 10 නෙ...
බොරු කියන්න එපා..
ගන්නව තමුසෙගේ පර්ස් එක ... කෝ බලන්න
මේ තියෙන්නේ 100ක්ම ...
ඔය ක්ලාස් එකේ සල්ලි
ක්ලාස් එකට පස්සේ දෙනවා
එහෙම කරන්න එපා අයියා ගෙදරින් ආයෙ ඉල්ලන්න බෑ නේ..
හරි හරි තමුසෙ යනවකෝ සල්ලි පස්සේ දෙනවා ක්ලාස් එකට
මගේ සල්ලි දෙන්න
තමුසෙට ආයෙත් මෙතන පහුකරලා යන්න ඕනේ නම් හොද හිතින් දැන් යනවා...
මගේ ඇස් බොද වෙයි..

මේ රකුසා මගේ සල්ලි දෙන්නේ නැති පාටයි. මම එතැනින් යන්න ගියෙමි

අවුරුදු 4 කට පසු...

බොරුල්ලේ බෝ ගහ ඉදිරිපිටදී...

මම වැඩ නිමවී ගෙදර එන ගමන්...

ඒ රකුසාම....

ආහ් මගේ සුදු රත්තරන් මල්ලී දෙවියෝ දැක්කා වගේ
මම ‍මේ ලගකට ආවා.
බලන්නකෝ මගේ පර්ස් එක දාලා ඇවිත්නේ ...
ගෙදර යන්න බස් එක ගන්න බැරුවයි ඉන්නේ ...

දෙකට නැමී මගේ දෙපා අල්ලයි.

වටේ පිටේ මිනිස්සු හැරී බලයි.

මම ඔහු දෙස බලා සිටියෙමි...

කලින් තිබූ තරුණ කම දැන් වැහැරී ගොසින් මහල්ලෙකුගේ පෙනුමක් ඇවිත්...

මම පොලිසිය දෙස බැලීමි...

ම ඉදිරිපිට වු මිනිසා වෙවුලයි

ඒ බඩගින්නට, රෝගයකට, නොව

මත්කුඩු හිග කමින්බව හොදින්ම දනිමි

සතයක් වත් නොදී වදනක් වත් නොකියා...
මම ඊලග බසයට නැගුනෙමි

රාමසාන් මාසෙ ඇවිත්...

2009-09-04T10:06:00.006+03:00

ඔන්න දෙවැනිවතාවටත් මම කටාර් ඉදන් රාමසාන් සමරනවා... ලංකාවේදි නම් රාමසාන් අපට තවත් දවසක් වුනත් මෙහෙ වගේ මුස්ලිම් බහුතරයක් ඉන්න අරාබි රටක මේ මාසය ඉතාමත් වැදගත් උත්කර්ෂවත් ලෙස සමරනවා. මේ කාලය හරියටම දින 30ක්. මේ දින 30 ඇතුලත සියලු මුස්ලිම් භක්තිකයන් ලෝකයේ ඉන්න කන්න වේලක් නැති දුප්පත් ජනතාව විදින දුක තම ශරීරයට ලබා දෙනවා.

ඔවුන් උදෑසන හිරුකිරණ පොලවට පතිත‍වෙන්නට පැයක මත්තේ සිට හැන්දෑවේ හිරුබැසයනතෙක් නිරාහාරව සිටිනවා. මේක Fasting කියල හදුන්වනවා. අපි දන්න බාසාවෙන් නම් ‍නෝම්බි අල්ලනවා කියන්නේ මේකටයි. මෙහිදී ඔවුන් වතුර තියා කෙල පිඩක් වත් උගුරෙන් පහලට යවන්නේ නෑ. මුස්ලිම් ආගමේ නියම කරලා තියෙන්නේ එහෙමයිලු. මේ වගේ කාන්තාර රටක මෙහෙම ඉන්නේ කොහොමද කියල මටනම් හිතාගන්නත් අමාරුයි.

හැබැයි ශාරීරිකව දුබලතා ඇති අයට ආහාර ගැනීමට බාධාවක් නෑ.

මේ රටේදි නම් ලංකාවේ වගේ සෙල්ලම් බෑ. මේ කාලය තුල අන්‍යාගමිකයන් පවා ප්‍රසිද්ධ ස්ථානවල ආහාර ගැනීමෙන් වලකින්න ඕනා. සංවරව ඇදුම් අදින්න ඕනා. නැත්නම් නවතින්නේ පොලිසියේ තමයි.

රෝමෙට ගියාම ඒ විදියට ඉන්න කියලා කතාවක් තියනවානේ. අපිත් ඉතින් ඒ වගේ තමයි. ඒත් මේ සහජ බඩගින්න නම් නැති කරගන්න බෑ. ඉතින් මුස්ලිම් අය ඇරෙන්න අනෙක් අය කෑම කාමරයේ හරි කුස්සියට වෙලා හරි බඩපුරෝගන්නවා. ඒ තැන්වලට මේ කාලය තුල අපේ මුස්ලිම් සහෝදරයෝ එන්නේ නැති නිසා හොදයි.

ඒ කෙසේ වෙතත් එයාලා හවස Break Fasting කරද්දී අපි එතන ඇති. කොයි තරම් බඩජහරි කමක්ද ?
ඒ වගේමයි නියමිත වෙලාවට හැමෝම මුස්ලම් පල්ලියට යනවා. ආහාර ගන්නවා හැබැයි බඩගින්නේ හිටියා කියලා මහ ගොඩක් කන්නේ නෑ. මොකද කොච්චර බඩගිනි වුනත් කන්න පුලුවන් බඩේ තරමට නේ. කෑම විශේෂයක් නෑ, බත්, බේකරි ආහාර, රොටී සහ කැද වගේ දේවල්... රට ඉදිනම් අනිවාර්යයි.

කොහොම නමුත් මේ අමාරු දවස් ටිකේ අපටත් දවසට පැය 6යි වැඩ. හවස් වරුව නිවාඩු. රාමසාන් උත්සවය දවසෙ ඉදන් දින 3ක් සම්පූර්ණයෙන්ම නිවාඩු. ඒත් මොනා කරන්නද? නිවාඩු දවසක් ගත‍ වෙන්නේ හරිම හෙමින්... වැඩ කරන දවසට ඉක්මනින් පැය 8 ගෙවිලා යනවා.

ලබන අවුරුද්දේ රාමසාන් කාලෙට මේ ලිපියත් රටත් මට ආයෙත් මතක් වෙයි...

මොකද ඒ වෙනකොට මම ලංකා‍වේ නිසා.

ඔපෙරා 10

2009-09-02T13:14:00.003+03:00

මගේ ප්‍රියතම වෙබ් බ්‍රව්සරය වෙන ඔපෙරා වල අලුත්ම සංස්කරණය ඔන්න අද නිකුත් වෙලා. මේ වෙබ් බ්‍රව්සරයේ ජනප්‍රියත්වය අඩු වුනත් (ඒකට හේතුව මේක නිදහස් මෘදුකාංගයක් වුණාට ගිනි හිවලා වගේ භාවිතාකරන්නන්ගේ යෝජනා චෝදනාවලට ප්‍රතිචාර දැක්වීම ඉතා පහල වීමයි) වේගය අතින්නම් විශිෂ්ඨයි.
මෙතුවක් කල් තිබුණු 9.xx වෙලුම අයින් කරලා මමත් දාගත්තා ඔපෙරා 10.

මෙගා බයිට් 8.5 තරම් වන ස්තාපනය මෙතනින් බාගන්න.

අලුත් වෙලුමේ පැහැදිලි දෘශ්‍ය වෙනස් කම් සහිත වන අතර වේගයෙන් අඩු ඉන්ටර්නෙට් සබදතා සදහා Turbo mode එකක්ද සහිතයි.
ඊටත් අමතරව Quick Dial මුහුණත වෙබ් පිටු 25ක් දක්වා යෙදිය හැකියි. මීට අමතරව Dictionary පහසුකම, විජට්ටු පහසුකම සහ ඉන්ටර්නෙට් වේගයෙන් සැරිසැරීමට අවශ්‍ය බොහෝ උපාංග (Mouse Gestures) වලින් සමන්විතයි.

හැමදාමත් අපි භාවිතාකරන බ්‍රව්සර් වලට අපි හුරුවෙලා ඒවා හොදයි හොදයි කිය කිය ඉන්නේ නැතිව මේවගේ වෙනසක් උත්සාහ කරලා බලන එක හොදයි කියලයි මට හිතෙන්නෙ...

ලංකාවේ සොදුරු මතක II

2009-08-22T15:15:00.010+03:00

මේ සැරේ ලියන්න හිතුවේ ලංකාවේ ඉදිද්දී මම ගියපු දිග ගමන්වලින් තවත් එකක් කියන්න. ඔයාලට මතක ඇතිනේ මගේ රස්සාව, දවසෙන් වැඩිහරියක් Outstation තමයි. සමහරු හිතනවා ෂා හරි ෂෝක් නේ .. අපිට නෑනේ ඔහොම චාන්ස් කියලා..

වැඩේ කරන එකාටනේ ඒකේ දුක දැනෙන්නේ. මේ ෆිල්ඩ් එකේ ඉන්න අය දන්නවා Tech Support කියන්නේ මොන වගේද කියලා.

හරි ඒවා මේවා අමතක කරලා මම මේ කියන්න හදන්නේ මාත් තවත් දෙන්නෙකුත් ගිය Tech Support Trip එකක් ගැන. මතක විදියට එදා බදාදා. අගහරුවාදා හවසම අපිට අපේ ආයතනයේ මීගමු ශාඛාවෙන් ලෙඩක් වැටිලා තිබ්බේ. අගහරුවාදා උදේ වෙනකොට කුරුණෑගලත් ශාඛාවත් අවුල්. මොනා කරන්නද හිත හදාගෙන මගේ Utility Pack එකත් ලෝඩ් කරන් ගොඩවුනා වාහනේට. වෙලාව උදේ 09 ට විතර..

මගේ යාලුවො දෙන්නත් මේ ගමන් වලට කියාපු අය..ඕනම වෙලාවක ඕනම වැඩකට ලෑස්තියි.. අපේ ආයතනයේ ශාඛාවන් මුලු දවසෙම පාරිභෝගිකයින්ට සේවා සපයන නිසා අපිට තියන කාලය බොහොම අඩුයි.

ඉතින් අපි මීගමුව හරහා කුරුණෑගලට ආවා. එතන වැඩ ඉවර වෙනකොට දවල් 1ත් පහුවෙලා. හරි එකත් ඉවරයි කියල හිතනකොටම මේන් එනවා ඇමතුමක් අනුරාධපුර ශාඛාවෙන්.. (අපිට අන්ලිමිටඩ් මොබයිල් පහසුකම් සපයල තිබුණු නිසා සොරිම තමයි ආන්ස්වර් කරන්නම වෙනවා) ඒකෙත් ලෙඩ ගොඩක්. ආයෙ කොලඹ ගිහින් එන්න වෙලාවකුත් නෑ.. එහෙමම ඇදපි අනුරාධපුරේ.. (මේ වගක් ගෙදර මනුස්සයා දන්නේ නෑ.. ගිහින් ඉවරවෙලා තමයි කියන්නේ ඒක තමයි කලාව..)

ඔයාලා දන්නවා ඇති අනුරාධපුරේ යන්න කුරුණෑගල ඉදන් පාරවල් දෙකක් තියෙනවා. එකක් දඹුල්ල පාර. අනෙක තඹුත්තේගම පාර.. අපි ගියේ තඹුත්තේගම පාරෙන්. මොකද කැලෑපාරකින් යද්දී අමුතුම කික් එකක් එනවනේ.. මගදි පොඩි හදිසි උවමනාවක් හැදිලා එලි පහලියට බැස්සා. සොරොව්වක් ලග. වැඩේ කරගත්තයින් පස්සේ තමා මේක දැක්කේ..

බැරිවෙලාවත් ඇවිස්සුනානම් පොඩි හදිස්සිය ලොකු එකක් වෙනවා...

මගදී මගේ යාලුවො දෙන්නට වෙල්මාලු කන පිස්සුවක් හැදුනා. කොහොම හරි තඩි බෑග් එකක් පිරෙන්න මාලු ගත්තා. දැන් මේවා හදන්නේ කොහොමද... ගත්තයින් පස්සේ තමා ඒක මතක් වුනේ. කොහොම හරි මේ මාලු නරක් වෙන්න කලින් කන්නත් ඕනා.. කොහොම හරි හවස් ජාමේ වැව් පිටියකට අපි සෙට් වුනා. අහල පහලින් පොඩි ගෑස් ලිපකුයි තාච්චියයි ඉල්ල ගත්තා. දැන් අපේ සූදානම මාලු බදින්න.

සැර බීමක් අපේ යාලුවෙක්ගේ සාක්කුවෙන් එලියට ආවා. මාලු බැද බැද කෑවා. දෙමව්පියොනම් කියල තියෙන්නේ පුලුටු කන්න එපා ඔය වෙලාවට ඔය වගේ තැන්වල කියලා. ඒක මතක් වුනේ කාලා ඉවරවුනයින් පස්සේ.

මේ පිංතූරේ තියෙන්නේ ඒ වැව් පිටියයි වැවයි. ලස්සන වුනාට පසුබිමේ ඉන්නේ මගේ යාලුවො දෙන්නා මාලු හෝද හෝද තනි නොතනියට බල්ලෙකුත් ඉන්නවා.

අපි මෙහෙමයි මාලු බැද්දේ

කොහොම හරි ඒකත් ඉවරකරලා අනුරාධපුර ශාඛාවට ගියා. එතකොට රෑ වෙලා... හැමෝම අපි දිහා බලනවා. මලකෙලියයි අපේ කටවල් වටේ පුංචි පිහාටු.. ඔලුවෙත්..

බලද්දී අපි මාලු බැදලා කාලා තියෙන්නේ වැව් පිටියේ තිබුණු එකම එලිය වෙච්ච අපේ ලිපේ ගින්දරට ඇදිල එන දහස් ගාණක් පුංචි පුංචි කුරුමිණියොත් එක්ක....‌‍

~
සියලුම ඡායාරූප ගත්තේ මගේ පලමු Smart Phone එක වුණු Nokia 3230 එකෙන්
~

Rainmeterරේ

2009-08-20T17:29:00.010+03:00

හුගකාලෙකට කලින් මටත් තිබුණා ඩෙස්ක්ටොප් ගැජට් දාගෙන කාටවත් නැති ලස්සන ඩෙස්ක්ටොප් එකක් මගේ පරිගණකෙට දා ගන්න. ඒ දවස් වල කොයිතරම් මෘදුකාංග දාගත්තද.. එත් මේවයින් මගේ පරිගණකය මන්දගාමී වෙද්දී තමා මට තේරුම්ගියේ කරපු මෝඩ වැඩේ රගේ. අන්තිමට ඔක්කොම අත ඇරලා දාලා (Auto Patcher, Winblinds, Konfabulator - දැන් Yahoo Gadgets.. මෙකී නොකී සියල්ල අයින්කරලා කලුපාට ඩෙස්ක්ටොප් එකක් දාගත්තා. ස්ටාර්ට්අප් සුද්ධ කලා.

අපි කොහොම කිව්වත් හිත යටින් කැමති ලස්සන කරගන්න. තමන්ගේ පරිගණකය හොදම එක කරගන්න.

වින්ඩෝස් විස්ටා ආවයින් පස්සේ බොහෝම දෙනෙක්ට තිබ්බ මේ අමාරුව නිකන්ම හොදවුනා. මොකද විස්ටා වල බොහොම ලස්සන ගැජට්බාර් එකක් ආපු නිසා. ඒකෙනුත් සෑහෙන්න බැරි අය PC එක මැක් වගේ පෙන්නන්න Rocket Dock දාගත්තා. ( මෙකී නොකී දාහක් දේවල් තියෙනවා ස්ථාපනය කරන්න නම්)

මගේ පරිගණකයේ තියෙන්නෙත් විස්ටා. ඒත් මම Startup එක මට ඕන විදියට වෙනස්කරපු නිසාත්, 3GB RAM නිසාත්, සහ NOD32 වලට පින් සිද්ද වෙන්න විනාඩි 1න් පරිගණකය Start වෙලා ඉවරයි.

මේ ලගදී අන්තර්ජාලයේ සැරිසරද්දී හොයාගත්ත දෙයක් තමයි මේ Rainmeter.

Google Code Project එකක් විදියට සකස්කෙරුනු මේ මෘදුකාංගය මගින් පරිගණකයේ Desktop ආධිපත්‍ය සම්පූර්ණයෙන්ම User වෙතට භාරකරන බවයි.

මේ තිර පිටපත් දැක්කම මටත් ආසා හිතුනා මේක ස්ථාපනය කරගන්න.

මේක ස්ථාපනය කල පසු Enigma යන Skin එක පෙන්වනවා. Skin කීපයක්ම ඔවුන් ලබාදෙනවා Rainmeter 1.0 වෙලුම සමග.
තවත් අලුත් දෙයක් තමයි Notepad ini ගොනුවන් තුල තමා සෑම ගැජට් එකකම (Skin) සෙටින්ග්ස් තියෙන්නේ. ඒවා වෙනස් කරන්න Coding වගේ බොහොම සිම්පල් විධාන වලින් කරන්න පුලුවන්. හැම ගොනුවක්ම දිග ඇරෙන්නේ Notepad එකේ. (සමහර අයට මේකනම් හරියන එකක් නෑ) තව ඉස්සරහට වැඩිදියණුකල ග්‍රැෆිකල් මුහුණතක් මේ අයිතම වෙනස් කරන්න ඔවුන් සකසාවි.

මේකට අවශ්‍ය අමතර Skins www.customize.org වලින් ලබාගත හැකියි.
මේ තියෙන්නේ මගේ පරිගණකයේ තිර පිටපතක්. මේ මෘදුකාංගය පරිගණකයේ සම්පත් අවම වශයෙන් යොදාගන්නා බවත් සිත්ගන්නා සුලුයි.

මේ මෘදුකාංගය අකුරු (Fonts) භාවිතයෙන් බොහොම සරල එහෙත් අලංකාර ඩෙස්ක්ටොප් එකක් ලබා දෙනවා. මේ ආකාරයේ මා භාවිතාකල පලමු මෘදුකාංගය මෙයයි.

මේකේ සිංහල යුනිකෝඩ් නම් තවම ටෙස්ට් කලේ නෑ. මේ තියෙන්නේ මගේ පරිගණකයේ තිරපිටපත්

මෙතනින් බාගන්න

(හැබැයි මේකත් Windows Startup එකට එකතු වෙනවා.)

B13 සහ Parkour කලාව.

2009-08-14T09:38:00.013+03:00

මම ඔන්න ආසාවෙන් බලන් හිටපු B13 ෆිල්ම් එකේ දෙවැනි කොටස B13 Ultimatum හොද කොපියක් ඊයෙ බැලුවා. (හොද කිව්වට Dvdscr වගේ).

B13 ෆිල්ම් එක ගැන කියනවනම් මේකේ අන්තර්ගත කථාව බොහෝම සාමාන්‍යන එකක්. වීරයා, දුෂ්ඨයා සහ කෙල්ලක් ඉන්නවා. සිද්ධි මාලාවකට පස්සේ කෙල්ලව වීරයා බේර ගන්නවා. ගලාගෙන යන කතාවක් හැබැයි B13 Ultimatum එකේ කතාව කිසිම තේරුමක් නෑ කියල මට හිතෙන්නේ. මෙච්චර අඩුපාඩු තියෙද්දිත් මේ ෆිල්ම් එක බලන්න හේතු වුනු කාරණාව තමයි මේ ෆිල්ම් දෙකේම ඉන්න ප්‍රධාන නලුවො (David Belle, Cyril Raffaelli) ගේ අසාමාන්‍ය, අති දක්ෂ Stunts. (හැබැයි B13 Ultimatum වල නම් ඒ තරම් හොද Stunts නෑ).

මේ Stunts එක්තරා විදියක කලාවක්. මේකට කියන්නේ Parkour (කෙටියෙන් පී.කේ.) කියලා.මෙහිදිසිදුවෙන්නේ තමා ඉදිරියේ ඇති ඕනෑම බාධකයක් තරණය කරගෙන ඉදිරියට ගමන් කිරීමයි. ඒ ඉදිරියට ගමන් කිරීම ඉතා වේගයෙන් ගලාගෙන යාමක් විදියටයි සිදුකරන්නේ. මේක ජිම්නාස්ටික් Outdoor වලට ගෙනයාමක් වගෙයි.

තවත් විශේෂත්වයක් තමයි මෙම ක්‍රීඩාවේ යෙදෙන අය ආරක්ෂිත පාවහන් සහ පලදනා බොහෝවිට භාවිතා නොකිරීම. ඒවගේමයි ඉතා ඉක්මනින් තමන් ඉදිරියේ ඇති බාධකය හදුනාගෙන ඒ ගැන තීරණයකට පැමිණීම. ඒවගේමයි තමන්ට හොද නම්‍යශීලී ශරීරයක් තිබීම.මේ කලාව ලොවට හදුන්වාදීමේ පුරෝගාමින් වෙලා තියෙන්නේ David Belle ඇතුලු Belle පරම්පරාව. මේ කලාව දැන් වෙනම උපසංස්කෘතියක් තරමට යුරෝපයේ සහ අනෙකුත් බටහිර රටවල පැතිරිලා.

මටත් ඉතින් මේ වගේ දෙයක් දැක්කම ඇග කසන්න ගන්නවා. ආසාවේ බෑ. (කොහොමත් මම ගොඩක් කැමති පොලොවෙ පය ගහල කරන්න පුලුවන් සෙල්ලම් වලට) ලංකාවේදිනම් හොදට Exercise කරලා හිටපු නිසා දෙතුන් පාරක් ට්‍රයි කලා. හිතන තරම් ලේසි නෑ. තව පොඩ්ඩෙන් නහය කට ebay එකෙන් ගේන්න වෙනවා. හැබැයි හිත ඇත්නම් ඕනම කෙනෙකුට මේ කලාව ඉගෙනගන්න පුලුවන්. ට්‍රයි කරල බලන්න.

මේවත් බලන්න.

AIMP

2009-08-07T10:14:00.006+03:00

මම භාවිතාකරන නිදහස් මෘදුකාංග අතරින් Audio සදහා මම භාවිතා කරන්නේ AIMP Player එකයි.

මේ මෘදුකාංගය නිපදවලා තියෙන්නේ රුසියානු මෘදුකාංග නිපදවන්නන් පිරිසක්. මොවුනගේ අදහස ගුණාත්මකභාවය ඉහල බිට් 32 Audio සකසනයක් ඉදිරිපත් කිරීමයි. හැබැයි මට දැනෙන විදියට මේ මෘදුකාංගයේ ගුණාත්මකභාවය කාලයක් නම් දරා සිටි Nullsoft Winamp පවා පරාදකරවන බවයි.

මෙහි ඇති User Interface එක භාවිතයට වඩාත් පහසුයි. Playlist support උපරිමයි. Auto Shutdown පහසුකමත් තියෙනව. මෘදුකාංගය Open වෙන්න යන වෙලාව Winamp එක්ක බලද්දී 1/3 වගේ.

ඒ වගේම Tag Editor, Audio Converter එකක් Audio CD Grabber එකක් සහිතයි.

හොදම දේ යුනිකෝඩ් සපෝට් කරනවා. හැබැයි මේකට අවශ්‍ය සිංහල Language (lng) ෆයිල් එකනම් හොයාගන්න බැරි වුනා.

මෙතනින් බාගන්න

ගෙදරින් ඈත්වෙලා අවුරුද්දකුත් ගිහින්...

2009-07-24T16:44:00.007+03:00

මම කටාර් වලට ගොඩබහින වෙලාවේ මට මගෙන් ම අහන්න හිතුනා උඹ දෙපාරක් හිතලද මේ තීරණේ ගත්තේ කියල. ඒ කොහොම වුනත් ඒ වෙලාවේ තිබුණේ ගෙදර ගියොත් අඹු නසී මග හිටියොත් තෝ නසී වගේ එකක්. මම තේරුම්ගත්තා මේක තමා මට ගන්න තියන හොදම තීරණය කියල. ඒ නිසා හැමෝගෙම ආශිර්වාද, කදුලු අතරේ මම ඔන්න ආවා.

මේ රටේ ගුවන්තොටුපොලේ Terminal නැහැ. ඉස්සර ලංකාවේ ගුවන්තොටුපොලේ වගේ බස් එකක යන්න ඕනා පර්යන්තයට ඇතුල් වෙන්න. ඉතින් අපි කටාර් වලට ගොඩබැස්සේ හවස 6.30ට වගේ. ඔන්න අපි ගුවන් යානයෙන් එලියට ආවා. හිතාගන්න අධි ශීතකරනක ඉදන් අවන් එකකට දැම්මා වගේ...

මා එක්ක තව තුන්දෙනෙක් ආවා. අපි ඇදුම් බෑග් අරන් මේ නාදුනන රටට අඩිය තියද්දී අපිව පිලිගන්න අප සේවය කරන්න ආපු ආයතනයේ දෙදෙනක් ඇවිත් හිටියා. ඔවුන් ඉන්දියානුවන්. ඔවුන් අපේ ගුවන්ගමන් බලපත්‍රය අතට ගන්න එක තමා මුලින්ම කලේ. ඉන් පස්සේ අපිව වාහනයක දාගෙන අපේ අලුත් නවාතැන්පොලට ආවා (Al Maamoura) මේ නම් මතක තියාගන්න හරිම අමාරු වුනා... හැබැයි සතියක් යනකම් විතරයි.

අපේ අලුත් නවාතැන අපි එන්න කලින් ඉදුල් කරල තිබ්බේ තව දෙදෙනෙක් විතරයි. ඔවුන් මේ රටේ හොද අත්දැකීම් තියන ලංකාවේ අය. අපිව නම් කරකවල අත ඇරිය වගේ. කරන්න ඕනේ මොනවද, කරන්නේ මොනවද කියලත් පැහැදිලි නෑ අපිට ඒ වෙලාවේ...

මුලින්ම කලේ ගෙදරට කෝල් කරන එක. මට ඒ මොහොත දැනුත් සිහියට එනවා. වයිෆ්ගේ කටහඩ එහා කොනෙන් ඇහෙද්දී මගේ ඇස්වලට කදුලු ඉනුව. ඒත් ඒ දුක ඒ මොහොතේ පිටකලේ නැහැ. එහෙම කලා නම් මට ආයෙත් යන්න වෙනවා.

පහුවෙනිදා සිකුරාදා නිවාඩු දිනයක් ඉතින් අපි මේ උෂ්ණ රටේ ජිවිතය පටන් ගත්තා....

ගෙදරට අන්තර්ජාලේ අරගත්ත නිසා හොදට ගියා. කොමියුනිකේෂන් ප්‍රශ්ණ සියල්ල ඒකෙන් විසදුනා. දවසින් දවස ගත වුනා. අන්තිමේදී සිකුරාදාවක ඉදන් තවත් සිකුරාදාවක් කියන්නේ හරිම පොඩි කාලයක් වුනා.

මගේ ජීවිතේ තුන්වෙනි දශකයත් ගතවුනා. අවුරුද්දක් ඉවර වුනා. එදා මා එක්ක ආපු යාලුවො 4 දෙනාම තවමත් ඉන්නව.

ඒත් මගේ සොදුරු දියණියත්, මගේ ආදරණිය බිරිදත් ලග නැති ජීවිතේ සල්ලි කොයිතරම් තිබුණත් වැඩක් නෑ

තව බොහොම ටික කාලයයි ගතකරන්න හිතන් ඉන්නේ මේ රටේ. කාලය ඉක්මනට ගතවෙලා යාවි....

-:: සිංහල AIO Installer ::-

2009-07-18T13:19:00.004+03:00

මෙතනින් බාගන්න.

පරිගණකයේ සිංහල ස්ථාපනය කරන්න එක එක වෙබ් පිටුවලට යනවට වඩා මේක හොදවෙයි කියල හිතනව. වයිරස් නැතිබවට සහතික වෙන්න පුලුවන්. අඩුපාඩු තියෙනවනම් කියන්න.

නිකං දෙනවනං ..........

2009-07-16T18:27:00.006+03:00

මේ තියෙන්නේ මට ලගදී ආපු Malware, Spyware කේස් වලින් 2 ක්.

මේ මනුස්සයා නිකන් දෙන හැම දේම හොදයි කියල හිතන කෙනෙක් (මට හිතෙන්නේ මොකද එයා ලංකාවේ එක්කෙනෙක් නෙමේ).

පලවෙනි තිර සටහනේ තියෙන්නේ Internet Explorer Window එකක්. බැලූ බැල්මට හිතා ගන්නත් බෑ නේද. අන්තර්ජාලය හරහා අපි ඩවුන්ලෝඩ් කර ගන්න බොහොමයක් Free කියන මෘදුකාංග එක්ක මේ වගේ Tool Bar ස්ථාපනය වෙනවා. අපි දැනුවත්ව වගේම නොදැනුවත්ව. නමුත් අපි මෘදුකාංගයක් ස්ථාපනය කරද්දී ‍බොහෝ විට එමගින් අපිට අවස්ථාව දෙනවා මේ කරදරකාර Tool Bar ඉවත් කරන්න. නමුත් අපේ කට්ටිය කරන්නේ Yes > Next > I Accept > Next >Next.. තියරිය නේ... ඉතින් ඒ වගේ Option එකක් කොහේ අහුවෙන්නද...
අනික අපි වෙබ් පිටුවක සැරිසරද්දී මතුවෙන Popups අපට මේ වගේ Toolbar නොමිලයේම ලබා දෙනවා. ඒත් අපි කවදාවත් ඒවා පාවිච්චි කරන්නෙත් නෑ. ඒවා අයින් කරන්නෙත් නෑ.

මේ තියෙන්නේ දැනට මාස කීපයකට පෙර බොහොම දරුණු විදියට මේ රටේ බලපාපු Malware එකක්. මේකත් ඉන්ටර්නෙට් සැරිසරද්දී එන Popup මගින් ස්ථාපනය වෙන එකක්. මේකේ තියෙන අයිකන්, ලෝගෝ බැලුවහම මේක මයික්‍රොසොෆ්ට් වගේ සමාගමකින් නිකුත් කරපු එකක් වගේ තමයි පේන්නේ. ඒත් මේක තනිකරම බොරුවක් කරන්නේ. මේකේ කියන විදියට අපේ පරිගණකය වයිරස් ගුහාවක් කියල තමයි පෙන්නන්නේ... එමගින් ඒ මෘදුකාංගය මිලදී ගන්න කියල හගවනවා.

මේ Malware එකේ Variation 2ක් 3ක් ආවා. පස්සේ පස්සේ ආපු ඒවා බොහොම දරුණුයි. පරිගණකයට Login වෙන්නත් කලින් මුලු තිරය පුරාම මේ මෘදුකාංගය වැඩකරනවා.

මෙමගින් වෙන බලපෑම මෙම මෘදුකාංගයේ මුල් අදියර වලදී නම් Uninstall, Regedit, Task Manager මගින් ඉවත් කරන්න පුලුවන් වුනා. පසුව ආපු ඒවා බොහොම දරුණුයි. System Recovery, Factory Default දක්වා යන්නත් වුනා. Live CD තියෙන නිසා දත්ත වලට ප්‍රශ්ණයක් වුනේ නැති තරම්.

(Screenshot acquired by Google search)

ලංකාවේ සොදුරු මතක...

2009-07-09T19:26:00.005+03:00

( ස්ථානය බලංගොඩ පසුකර - හරියටම මතක නැත )

මම ලංකාවේ රැකියාව කලේ පෞද්ගලික ආයතනයක Tech Support විදියට. ඒ රැකියාවට අනුකූලව මම රටේ ඕනම තැනක සේවයට බැදිලයි හිටියේ. ඉතින් බොහොමයක් දවස්වල සදුදාට ගෙදරින් එලියට බැස්සම ආයෙත් එන්නේ දවස් 3ත් 5ත් අතර තමයි. මුලදි පිස්සුවක් වගේ වුනාට පස්සේ පස්සේ මට අල්ලලා ගියා. (මගේ ගෙදර අයගෙන් තමා ගල් මුල් ආවේ) මම මේකටම වෙනම බෑග් එකක් ලැස්ති කරලා තිබුනා. ඒක All in One එකක්. කිසි දෙයක් නැතිව සතියක් ගෙදරින් පිට ඉන්න පුලුවන් ඒ බෑග් එක මා ලග නම්. (ඒක ගැන වෙන දවසක කියන්නම්)

මේ අපි ගියපු Continuous Office Trip එකක්. පටන් ගත්තේ කුරුණෑගලින්. දෙවනුව නුවර. තෙවනුව බදුල්ල - බණ්ඩාරවෙල හරහා කොලඹ. Troubleshooting Call එකක් ආවම අපේ Service Cordinator වැඩේ සෙට් කරලා දෙනවා.

‍හැබැයි මේක සෙල්ලමකුත් නෙමේ. මම කිලෝමිටර් කී දාහක් යන්න ඇද්ද ඔෆිස් වැඩවලට යාලුවොත් එක්ක. මේ අතර තුරේ මගේ වැඩේ ෆොටෝ ගන්න එක. (යාලුවොන්ට මඩ ගහන එක)

බදුල්ලේ ඉදන් බණ්ඩාරවෙල පහුකරලා කොලඹට එද්දී බලංගොඩ නගරයට කලින් තැනක තමා මේ පිංතූරය ගත්තේ. කාලෙකට පස්සේ මගේ Image archives අවුස්සලා බලද්දී මේ ගැන ලියන්න හිතුනා. මේ කඩෙන් උදේ පොල් රොටී කාලා තේ එකක් බිව්වම ඇගට දැනෙන සනීපෙ මෙහෙ මොනවා ලැබුනත් වැඩක් නෑ. මටනම් මේ පිංතූරේ දැක්කත් ඇති දැන්. මෙහේ කොච්චර ගස් තිබ්බත් මේ වගේ ලස්සන කොල පාට නෑ.

මේක ගත්තේ Sony Ericsson W810i එකකින්.

ජීවිත එක්ක සෙල්ලම්.... බලන්න බලන්න ආස හිතෙයි...

2009-06-24T19:03:00.003+03:00

මිනිස් ජීවිතයක වටිනාකම මුදලින් මැනිය නොහැක...

ඒත් මොවුන් ඒ ජිවිතයට අවමන් කරන හැටි...

මේ අනතුරෙන් කිසිවෙක් දිවි ගලවා ගෙන නැත.

මුදලින් ලබාගත නොහැකි බොහෝ දේ ඇත.

මෙන්න නියම ගේම් එකක්...

2009-06-23T19:23:00.004+03:00

ලිට්ල් වීල් පදනම් වෙලා තියෙන්නේ Puzzle Solving කියන ගේම් කාණ්ඩයට. මෙය Macromedia Flash යොදාගෙන තමයි නිර්මාණය කරල තියෙන්නේ.

මේ ලෝකයේ ඉන්නේ රොබෝවරු විතරයි. ඔවුන් සියලු දෙනාම බල ගන්වලා තියෙන්නේ එක විදුලිජනක යන්ත්‍රයකින්. දවසක් මේ විදුලිජනකය නවතිනවා. හැමදෙයක්ම නවතිනවා. අහඹු ලෙස අකුණු සැරයක් වැදිලා එක් රොබෝවෙක් පණ ලබනව. ඔබට තියෙන්නේ මේ රොබෝ හසුරවලා විදුලිජනකය පණගන්වන්නයි.

මේක එතරම් දිග පරිගණක ක්‍රීඩාවක් නෙවෙයි. එත් ද්විමාන ගැෆික්, නිර්මාණශීලීබව සහ කථාව ගලාගෙන යන ආකාරය බැලුවම මටනම් ලකුණු 10න් 8ක්ම දෙන්න පුලුවන්.
ඔයාලත් සෙල්ලම් කරලම බලන්නකෝ...

මේක හදල තියෙන්නේ
http://www.oneclickdog.com/

Play This Game

මෙතනින් බාගන්න

මෙන්න අරාබිය... (ඔබගේ දැනගැනීම පිණිසයි)

2009-06-11T19:24:00.003+03:00

රට තුල සියලුම දුරකථන ඇමතුම් මුදලින් නිදහස්ය.

පෙට්‍රොල් ලීටරයක් අනිවාර්යයෙන්ම වතුර ලීටරයකට වඩා අඩුය. නමුත් මල අපද්‍රවය සදහාද මාසික ගාස්තු ගෙවිය යුතුය.

ඕනෑම ඉදිකිරීමක් මසකින් අවසන් කල හැක. ප්‍රමාණය ප්‍රශ්ණයක් නොවේ.

සුදුසුකම් නැත්තෝ සුදුසුකම් ඇති අයට වඩා වේතනයක් ලබති.

බාහිර පෙනුම යම් දෙයක අන්තර්ගතය හා ක්‍රියාකාරිත්වයට වඩා අති වැදගත්ය.

කම්කරුවන්ට ඉපයීම් ඔවුන්ට තම රටේදී උපයන මුදලට වඩා අඩුය.

හේතු විරහිතව සේවකයින් ආයතනයකින් ඉවත්කල හැක.

නිර්දේශය(Recommandation) මුදලට වඩා ශක්තිමත්ය.

පිරිසිදුකරන්නන් හට උපරිම නිර්දේශ බලයක් ඇති අතර මුරකරුවන්ට ආයතනයේ හිමිකරුට වඩා අයිතියක් ඇත.(ලංකාවේ වගේමයි)

මෙහි කාලගුණය පැයක් ඇතුලත වැස්ස,දූවිලි කුණාටු, ඉහල ආර්ද්‍රතාවයක්, උණුසුම් කාලගුණය සහ ශීත කාලගුණයක් ලෙස වෙනස්විය හැක.

මුලුමහත් ආරබිකරයම කාන්තාරයක් වුවත් ඔබ බලන බලන අත කොල පැහැයෙන් දිලේ.

ඔබට අරාබියේදී මුදල් ඉපයිය නොහැකි නම් ඔබට ‍අන් කිසි රටක මුදල් ඉපයිය නොහැක.

මෙහි සතියක් ගතවීම ලංකාවේ දවසක් මෙනි. එක් සිකුරාදාවක සිට ‍අනෙක් සිකුරාදාව විදුලි වේගයෙන් එලඹේ.

මෙහි ඉන්නා හැම තනිකඩයෙකුගේම සිහිනය තම මව්රටේදී කසාදයක් කර ගැනීමත් එහි නිවසක් ඉදිකරගැනීමත්ය.

ඔබ ඔබේ බිරිදට,දෙමව්පියන්ට, ලමයින්ට සහ නෑදෑයන්ට ලංකාවේ සිටියාට වඩා 100 ගුණයකින් ආදරය කරයි.

අරාබියේ ඔබේ නවාතැනේ සිටීම ඔබේ කාර්යාලයේ සිටීමට වඩා වේදනා බරයි.

ඔබ ඔබේ රටේ සිටියාට වඩා ඔබේ ආගම ගැන සිත යොදවයි.

Ladies Beauty Salon හැම මීටර් 5න් පහට.

සියලුම කෑම සහ ග්‍රොසරි ද්‍රව්‍ය ඔබේ වාහනය ලගටම (අරාබි ඇදුමට විශේෂයි).

Starbucks අවන් හල් මීටර් 10න් දහයට.

Alcohol නැති Hardrock Café.

Shopping Mall සහ Hyper Market කිලොමීටර් 5ක් ඇතුලත.

වාහනක් මිලදී ගැනීමට වඩා රියදුරු බලපත් ගැනීම අති දුෂ්කරය.

මැක්කන්ට වඩා වැඩි ප්‍රමාණයක් අබලි වාහන ඇත.

ගෑනුන්ට පෝලිම් නැත.

ප.ලි.
ආරාබි ට්‍රැෆික් සිග්නල්.

කොල - ඇමරිකානුවන්ට යුරෝපීයන්ට සහ ලාංකිකයන්ට # යන්න # සලකුණ (Go Sign)
කහ - ඊජිප්තුවන්ට සහ පකිස්තානුවන්ට # යන්න # සලකුණ (Go Sign)
රතු - සියලුම අරාබීන්ට # යන්න # සලකුණ (Go Sign)

ඇස් දිහා බලන්න...

2009-06-04T15:33:00.003+03:00

මේ කොංගෝ ජාතික තාත්තයි දරුවො දෙන්නයි සරණාගතයො විදියට කිබැටි සිට රටේ උතුරු දිසාවට සංක්‍රමණය වෙනවා. කොංගෝ රජයේ හමුදා සහ ත්‍රස්තවාදින් අතර ඇතිවුණු සටනෙන් පස්සේ මොවුන් අවතැන් වුණා. මේ වගේ දහස් ගණනක් උතුරට සංක්‍රමණය වුණා (2008/11/02).

අපේ රටෙත් මේ වගේ කී දහසක් පුදුමාතලන් සටන් බිමේ අසරණ වුනාද, ...

මේ තාත්තාගේ ඇස් දිහා බලන්න...

මට හිතා ගන්න බැහැ ඒ දුකද, වෛරයද, අසරණකමද, වෙන හැගීමක්ද කියල. තාත්තා කෙනෙක් වුනු මටනම් දැනෙන්නේ ඇයි මම මේ තරම් අසරණ කියන හැගීමයි. මේ පිංතූරය දකින හැම වෙලාවෙම මට ගෙදර මතක් වෙනවා.. ඒ ඇයිද දන්නේ නැහැ..

ජායාරූප අයිතිය (YASUYOSHI CHIBA/AFP/Getty Images)

Sony Ericsson Satio

2009-05-29T15:43:00.007+03:00

ඊයේ, ඒ කියන්නේ 2009 මැයි මස 28 වැනිදා දවස ගෙවෙනකන් මම හිටියේ නොඉවසිල්ලෙන්. ඒ මම ගොඩක් බලාපොරොත්තුවෙන් ඉන්න මගේ සිහින ජංගම දුරකථනයේ රිලීස් ඩේට් එක දැනුම් දෙන නිසා (MWC). කටකතා වලින් කිව්ව විදියටම සෝනි සමාගම ඊයේ ඒ නිවේදනය නිකුත් කලා. ලබන ඔක්තෝබරයේ ඉදන් වෙලදපලට Sony Ericsson Satio (Previously IDOU) නිකුත් කරන බවයි.

දැනට ජංගම දුරකථන නිපදවන්නන් අතර ලොකු යුද්ධයක් ඇතිවෙලා තියනව මේ සංවේදී තිර සහිත ජංගම දුරකථන වලට. දැනට වෙලදපල දිහා බලද්දී සෝනි සමාගම තරමක් පහලින් හිටියත් (විශේෂයෙන් අරාබිකරයේ නොකියා තමයි ඉල්ලුම වැඩි) මේ ජංගම දුරකථනයත් සමග ඔවුන් වෙලදපලේ වෙනසක් කරන්න සුදානම් වෙනබව පේනවා.

මේ දුරකථන‍යේ දැනට වෙලදපලේ තිබෙන සුපිරි දුරකථනවල තිබෙන සියලුම විශේෂාංග වලට අමතරව 12.1 මෙගා පික්සල් කැමරාවකුත් තියනව. මේ සමග තරග කරන නොකියා දුරකථනය තමයි N97.

ඒ කෙසේ වෙතත් මම මුලින්ම භාවිතා කලේ නොකියා 3315 දුරකථනයක් පස්සේ නොකියා 3230, ඊටත් පස්සේ සෝනි එරික්සන් W810i. ඒකෙන් තමා මට සෝනි වලට හිතගියේ. Xperia X1 ගන්න හිටියත් පස්සේ හිත වෙනස් කරලා Sony Ericsson Satio ගැන බලාපොරොත්තු තියන් හිටියා. ඒ බලාපොරොත්තුව ඉටුවෙන්න තව ටික කාලයයි.

මෙන්න සියල්ල සවිස්තරව
මෙතන ඔබන්න නැත්නම් මෙතන

සුභ උදෑසනක් දෝහා

2009-05-29T13:22:00.001+03:00

මේ ජායාරූපය මම උපුටා ගත්තේ මේ ගැන විශේෂ දෙයක් කියන්න තියන නිසයි. මේ දවස් වල අපි ආසම නැති සමර් එක පටන් අරන් තියෙන්නේ. පහුගිය සතියේ (අපිට සතිය පටන්ගන්නේ සෙනසුරාදා) සෙල්සියස් 51ටම ඉහල ගියා. කියන්න ඕනේ නෑනේ එලියට බහින්න පුලුවන්ද කියලා..

මේ පින්තූරය අරන් තියෙන්නේ උදේ 4.00ට කොයිතරම් උදෙන් ඉර පායනවද කියල හිතාගන්නකො...

ඇත්තයි හැබැයි තිත්තයි...

2009-05-23T14:11:00.004+03:00

අද මම කල්පනා කලේ පරිගණකයක් භාවිතයේදි අපි කරන වැරදි වැඩ ටිකක් ගැන කියන්න.

පරිගණකයක් කියන්නේ ඉලෙක්ට්‍රොනික් උපාංගයක් වුනාට අනික් බඩු වගේ නොවෙයි. සාපේක්ෂව හුගක් සංවේදීයි. සමහරු හිතන්නේ මේක ටෙලිවිෂන් එකක් වගේ කියලයි. එබුවා ඔන් කලා එබුවා නිවල දැම්මා. (දැන් හාඩ් ඩිස්ක් හොද නිසා ලොකු දෙයක් වෙන්නේ නෑ ලේසියෙන්.) හැබැයි නරකක් වෙන්න ඉඩ වැඩියි.

පරිගණකයක් නිවා දමනව කියන්නේ ෂට්ඩවුන් කරන එකම නොවෙයි. එයට සම්බන්ධ සියලුම විදුලි සම්බන්දතා ජාල සම්බන්දතා ඉවත් කල යුතුයි. සමහරු ෂට්ඩවුන් කරල යූපීඑස් එක නිවල හිතනව ඔක්කොම හරි කියල. අදාල පරිගණකයේ ප්‍රධාන කෙවෙනියෙන් ගලවනකන් පරිගණකය ආරක්ෂිත නැහැ විදුලි සැර වලින්. ඒ වගේමයි ජාල කේබලය සහ ස්විචය. ලැප්ටොප් එකක් නම් ඔබ එහි අන්තර්ගතයට පිවිසෙනවනම් ලැප්ටොප් බැටරිය ගලවන්න අමතක කරන්න එපා.

පරිගණකයේ තියෙන වීඩියෝ කේබල් එක (මොනිටරයෙන් එන) පීඑස් 2 මවුස් සහ කීබොඩ් කේබල් පරිගණකය වැඩකරද්දී ගලවන එකනම් හොද වැඩක් නෙමෙයි. අලුතින් මව්පුවරුව දාන්නත් නොවෙන එකක් නෑ.

මවුස් එක ක්ලික් කරද්දී අපට වරක්,දෙවරක්, තෙවරක් රයිට් ක්ලික් හෝ ස්ක්‍රොල්, කීබොඩ් නම් අදාල කී (යතුරු) සමාන්‍ය වේගයකින් තදකරාම හොදටම ඇති. අවශ්‍යනම් සෙටින්ග් වෙනස් කරගන්නත් පුලුවන් කන්ට්‍රොල් පැනල් එකෙන්. එත් සමහරු කී තදකරන්නේ එයාලගෙන් තරහ පිරිමහන්න වගේ (විශේෂයෙන් එන්ටර් කී එක - පව්) පරිගණකයට ඔබේ ආවේග සහ සිතිවිලි තවමත් තේරුම් ගන්න බෑ. ඒ හින්දා සාමාන්‍ය විදියට කී එබුවානම් හොදටම ඇති.

පරිගණකය හැම වෙලේම ආරක්ෂා කරන්න. දූවිලි වලින්, තෙතමනයෙන්, දැඩි අව්වෙන් සහ නොයෙකුත් පරිගණක මෘදුකාංග වලින්. මම ලග තියෙන කම්පියුටර් එක දැනට තියන හොදම එක කියන අයගේ පරිගණකය ලගට ගිහින් බැලුවොත් කුණු ගොඩක් ඔබට පෙනේවි. බාහිර පෙනුම වැදගත් නෑ කිව්වට ඒක හරියට නැත්නම් අභ්‍යන්තරය ගැන කුමන කතාද. ඔබ පරිගණකයට සැලකුවොත් එහි ජීවිත කාලය වැඩිවෙන්න ඒක බලපානවා නිසැකයි.

සමහරු ලෝකයේ තියන හැම මෘදුකාංගයක්ම තමන්ගේ පරිගණකයේ පටෝගෙන. වැඩක් ගන්නෙත් නෑ. ඒ වගේමයි සමහරු එන එන හැම එකම ස්ථාපනය කරගෙන අන්තිමට අහක යන නයි රෙද්ද අස්සේ දාගෙන කනෝ කනෝ කියල වයිරස් අයින් කරන්න උත්සාහ කරනව මම අනන්තවත් දැකල තියනව. ඒ ඇයි කියල මට තාම හිතා ගන්න බෑ (කමක් නෑ Support එකට ඉන්න අපි‍ටත් අලුත් අභියෝග එන තරමට හොදයි ඉගෙනගන්න)

ඉතින් මෙන්න මේ වගේ එකී නොකී දේවල් ගොඩක් තියනව. තව ඉස්සරහට තවත් ලියන්නම්කෝ....

අපේ කාලයේ නිදහස...

2009-05-21T18:43:00.004+03:00

අවසානයේදී අපි සැබෑ නිදහස වින්දෙමු.. ඒ ඔබේ ලෙයින් කදුලින් තෙත්වුනු අපේ මවුබිමයි.

ඒ ගුණ සදා සමරමු...

කිසිදා අමතක නොවේ

රණවිරුවනි ...

ජනපතිතුමනි ...

අපි දුම් බොමු

2009-05-21T18:26:00.004+03:00

පින්තූරය ඔබන්න

www.තක්සලාව.com වෙතින් උපුටා ගත්තෙමි‍

මිනිස් ජීවිතයක වටිනාකම

2009-05-13T19:33:00.002+03:00

මේ පිංතූර පලවෙලා තිබුණේ දමිල ඊලාම් හිතවාදී වෙබ්පිටුවක. මේ අසරණ මිනිසුන් විදින දුක ත්‍රස්තයන් ප්‍රයෝජනයට අරන් තියනවා බොහොම කැත විදියට. මේ අසරණ මිනිසුන් කිසිම විදියකටවත් සත්‍යය දැනගෙන නැහැ ඔවුන් මියයන තුරාවටම. ඔවුන් මියයන මොහොතෙත් හිතන්නේ සිංහල හමුදාව තමන් ඝාතනයට උපන් අය බවයි. මොවුන්ගේ මොල සේදීම කරන්න ත්‍රස්තයන් ඇපකැප වෙලා...! මේ මිනිසුන් මේ දරුවන් කොයිතරම් අසරණද, මිනිසුන්ගේ හදවත් තුල තිබූ ආදරය අද කොහිද......

මේ පිංතූරවල තියෙන දින වකවානු ගැනනම් මට සැකයි. හොදින් බලන්න දිනය දිහා මේ පිංතූරවල.. එය සාමාන්‍යයෙන් ඩිජිටල් කැමරාවක සටහන් වෙන විදියට වඩා වෙනස්

අරාබි වෙසක්....

2009-05-06T19:57:00.008+03:00

මේ දවස් වල වැඩ ටිකක් වැඩියි.. ඩිසයින් එක ටිකක් ප්රමාද වුනේ ඒකයි. කොහොම නමුත් අද වැඩේ ඉවර කරගත්ත. ඔබ මෙතන ක්ලික් කලාම මේකේ විශාල ප්රැමාණයේ පින්තූරය දිස් වේවි. ඒක පාවිච්චි කරන්න යාලුවන්ට මේල් කරද්දී.

බුදු දහම හරියට අනුගමනය කරන්න. ඉගෙනගන්න. හැම විටම සත්යේය දැනගන්න.

ඔබ ඉන්නෙ... ඔබ පාවිච්චි කරන්නෙ....

2009-05-01T14:47:00.006+03:00

ඔබටත් කරන්න පුලුවන් පහසුවෙන්ම

යන්න www.wieistmeineip.de වැඩේ අමාරුනම් Comment එකක් දාන්න. මම උත්තර දෙන්නම්

I Cant Hold Back.....

2009-04-30T18:08:00.007+03:00

මේකත් ලගදී බලපු ඉංග්රිනසි චිත්රපටියක තිබුණු ගීතයක්... තරමක් පැරණි වුණත් අහන්න අපුලක් නැති ගීතයක්. මේ ගීතය ලගදී තිරගතවුණු Pall Blart – Mall Cop චිත්රපටියෙන් තමා මම ඇහුවෙ. චිත්‍රපටිය නම් කොමඩි එකක්. මේ ගීතය ගායනා කරන්නේ Survivors සංගීත කණ්ඩායමයි.

මෙන්න ඔබටත් ඒ ගීය අහන්න අවස්ථාවක්...

There's a story in my eyes
Turn the pages of desire
Now it's time to trade those dreams
For the rush of passion's fire
I can feel you tremble when we touch
And I feel the hand of fate
Reaching out to both of us
I've been holding back the night
I've been searching for a clue from you
I'm gonna try with all my might
To make this story line come true
Can ya feel me tremble when we touch
Can ya feel the hand of fate
Reaching out to both of us
This love affair can't wait

*I can't hold back, I'm on the edge
(I can't hold back)
You voice explodes inside my head
I can't hold back, I won't back down
Girl it's too late to turn back now*

Another shooting star goes by
And in the night the silence speaks to you and I
And now the time has come at last
Don't let the moment run too fast
I can feel you tremble when we touch
And I feel the hand of fate reaching out to both of us
There's a story in my eyes, turn the pages of desire
Now it's time to trade those dreams
For the rush of passion's fire

මෙතැනින් බාගන්න

Image Burn

2009-04-15T19:32:00.012+03:00

මම මෘදුකාංග ගැන බොහෝ දේ සොයමින් ආවා. එහෙම එද්දි මට වියදමක් නැතිව ලැබුණු තවත් සුවිශේෂී මෘදුකාංගයක් තමා Image Burner කියන්නෙ. අපි CD එකක් කොපි කරද්දී ඒ CD එකේ තියන හැම අංශුවක්ම හැම බිටුවක්ම කොපි කරගන්න පුලුවන් විදියක් තමයි CD image එකක් සේව් කර ගැනීම.

දැනට භාවිතයේ තියන ඕනම CD Writing මෘදුකාංගයකින් CD image සේව් කරගන්න පුලුවන්. සම්මතය තමා ISO Format එක. ඒත් බොහෝ මෘදුකාංග උදව්කරන්නේ තමන්ගේමවූ Format එකකට (උදා
: NTI = .ncd , Nero = .nrg)

ඉතින් මෙහෙම ‍සේවි වුණු එක ආයෙත් එකකට පිටපත් කරද්දී තමා ප්‍රශ්නක් වෙන්නේ. මොකද ඒ Image එක සේව් කරපු මෘදුකාංගය නැත්නම් ඒ ආයෙත් CD එකකට පිටපත් කරන්න වෙන්නේ නෑ.
මේකට තියන හොදම විසදුම් වලින් එකක් තමා මේ IMG BURN මෘදුකාංගය.
මේ මගින් CD පිටපත් කිරීම, CD Image සෑදීම, නොයෙකුත් Format වල CD Image නැවත පිටපත් කිරීම, තැටි ධාවකයේ වේගය පිරික්සීම වගේ දහසකුත් එකක් වැඩ කරගන්න පුලුවන්.

කියවල වැඩක් නෑ බාගෙනම බලන්න මෙතන ඔබන්න

මකුණා

2009-04-15T18:48:00.005+03:00

මේ ඉන්නේ මොකාද කියල කවුරු කවුරුත් හොදටම දන්න‍වනේ. මට මකුණා ගැන ලියන්න හිතුනේ කාලෙකට පස්සෙ මකුණෙක් දැක්ක නිසා.

මේ සතාට English වලින් Bed Bug කියලයි කියන්නේ. නමින්ම හිතාගන්න පුලුවන්නේ මෙයාගෙ සෙල්ලම.. මතුපිටින් බැලුවම දුඹුරු පාටට හුරු රතු පැහැයක් තියන පැතැලි සියුම් අඩු තියන සතෙක් තමා මේ. බැලූ බැල්මට ගම්මිරිස් ඇටයක් තරම් වුනාට කට්ටියක් එකතුවුනාම වද කරන එක ලේසි නැහැ..

මට මතක් වෙනව අවුරුදු 10කට 15කට ඉස්සර අපේ අල්ලපු ගෙදරට මේ වසංගතයක් බෝ වෙලා එකෙන් බේරෙන්න සෑහෙන දුකක් වින්දා. අන්තිමේදි නොයෙකුත් බේත් කරල වැඩක් වුනේ නැති වුනහම උණු වතුරෙන් තමා ගැලවීමක් ලැබුණෙ.

මේ සත්වයා පරපෝෂිතයෙක්. දෙවන ලෝක යුද සමයේ ලෝකය පුරාම ව්යාරප්ත වුණූ මේ වසංගතය කාලයත් සමග අඩු වුණා. මේ සතා බෝ වෙන්න බොහෝ ඉවහල් වෙන්නේ තෙතමනය රැදෙන අදුරු අහුමුලු ඒ වගේම මිනිසුන් ගැවසෙන තැන්. වැඩි අවධානයක් නොදුන්‍‍නොත් දින කීපයකින් ලක්ෂ ගණනක් පැටවු බිහි කරලා මිහිමත අපායක් හදන එක ලොකු වැඩක් නෙමෙයි මෙයාට.

මේ තොරතුරු කෙසේ වෙතත් ඇමරිකාවට අලුත්ම තර්ජනය එල්ල වෙලා තියෙන්නේ මෙයාගෙන් Assosiated Press කියන විදියට. එහි අදුරු වීදී කොන්වල, කසිකබල් හෝටල් වල, පාසල් නේවාසිකාගාර වගේ තැන්වලින් මේ උවදුර දැන් නිව්යොක්, චිකාගෝ සහ වොෂින්ටන් නගරවල ව්යාප්තවෙලා කියලයි ආරංචි.

එහෙනම් පරිස්සමෙන් .... ඔබේ ඇදුමෙත් දැන් මකුණෙක් එල්ලිලා ඉන්නවා වෙන්න පුලුවන්.....

අවුරුදු සුභ පැතුම්

2009-04-09T17:34:00.013+03:00

‍

ලෝකයේ සෑම තැනකම ඉන්න ලංකාවාසී සිංහල දමිල සහෝදර සහෝදරින් සියලුදෙනාටම සුභ නව වසරක් වේවා

ඔබටත් ඔබේ යහලුවන්ට මේ පණිවිඩය ඔබේ නමින්ම යවන්න මගේ නම නැති සුභ පැතුම මෙතැනින් බාගන්න

ඔබේ නම යොදාගෙන මේ පින්තූරය හදාගන්න දැන්මම මට ඊ මේල් කරන්න prabathc@gmail.com

හුණුකූරු සෙල්ලම්

2009-04-05T20:14:00.006+03:00

Crayon Physics Deluxe තමා මේ ගේම් සීරීස් එකේ දෙවැනි රීලීස් එක. මම මේ රිලීස් දෙකම ප්ලේ කරල තියනවා. දෙකේම ගේම් ප්ලේ එක නියමයි. හොදට ඇඩික්ට් වෙනවා.

මේක අයිති වෙන්නේ 2ඩී හෙවත් ද්විමාන ගැටලු විසදන වර්ගයට. මේකේදි සෙල්ලම් කරන කෙනාට නිදහස් අවකාශයක් ලැබෙනව තමන්ට කැමති ඔනෑම හැඩතලයක් අදින්න. ඒ හැඩතල භාවිතා කරල ස්වභාවික මුලධර්මවලට අනුව එහා මෙහා කරන්න ලැබෙනව. මේක අලුත්ම අත්දැකීමක්.....

මෙහිදී ලබාදෙන ගැටලු විසදීමෙන් ඉදිරි අදියර වලට පිවිසෙන්න පුලුවන්. මේක වඩාත් සුදුසුයි ටච් ස්කීර්‍න් තිරයක් නම්.

‍

ඩෙමෝ එක මෙතනින් බාගන්න

මෙන්න ගේම් එකේ වීඩියෝ බලන්න

Twilight

2009-04-03T10:35:00.006+03:00

තමන්ගේ මව්පියන් වෙන්වෙලා ඉන්න පවුලක එකම දුව වුනු ඉසබෙලා තමන්ගේ පියා ලගට එනවා ටික කාලයකට. පියා පොලිස් නිලධාරියෙක්. මව විනෝදයට බර කෙනෙක්.

ඉසබෙලාගේ පියා ඉන්නෙ දුර පලාතක. ඇය ඒ ගමේ පාසලට යනව. ඒ පාසලේ ඉන්න අමුතුම චරිත වලින් එක් අයෙක් ඉසබෙලාට අමුතුම හැගීමක් දෙනව. ඒත් ඒ හැගීම සෑහෙන දුර දිග යයි කියල ඇය කිසි සේත්ම හිතන්නේ නැතිව ඇති....

මේ ඉසබෙලාගේයි එඩ්වඩ් කියන වැම්පයර් තරුණයගෙයි කතාව තමයි Twilight Movie එකට පාදක වෙලා තියෙන්නේ.

මේ චිත්රපටිය බොහොම සරල තේමාවක් තියන එකක් වුනත් අධ්‍යක්ෂ වරයා බොහොම සීරුවෙන් මේක සංකීර්ණ කරනව ක්රියාදාම රාශියක් සමග. මෙහිදි අර මිනිස් ලේ උරා බොන වැම්පයරය තමාගේ හැගීම් එක්ක ගැටෙන හැටිත් මිනිස් දුවක් ඇගේ සිතුවිලි වැම්පයරය සමග සම්බන්ද වෙන හැටිත් මමනම් බොහොම සුන්දරව දැක්කා.

ඒ කොහොම වුනත් මට මේ සටහන ලියන්න හිතුනේ මේ Movie එකේ එන ගීත එකතුව නිසා. මෙහි එන ගීත සියල්ලක්ම මගේ හිත ගත්තා. ඒ අතුරිනුත් Flightless Bird, American Mouth ගීතය ලොකු තේරුමක් හිතා ගන්න බැරි වුනත් අහන්න ආස හිතෙන විදියට Compose කරල තියනව. මෙන්න ඔබටත් අහන්න අවස්ථාවක්

ගීතය මෙතනින් බාගන්න.

Lyrics

I was a quick, wet boy
Diving too deep for coins
All of your street light eyes
Wide on my plastic toys
Then when the cops closed the fair
I cut my long baby hair
Stole me a dog-eared map
And called for you everywhere

Have I found you, Flightless Bird;
Jealous, weeping?
Or lost you, American Mouth;
Big billed, looming?

Now I’m a fat house cat
Nursing my sore, blunt tongue
Watching the warm poison rats
Curl through the wide fence cracks
Pissing on magazine photos
Those fishing lures thrown in the cold and clean
Blood of Christ mountain stream

Have I found you?, Flightless Bird;
Grounded, bleeding?
Or lost you, American Mouth;
Big billed, stuck going down

ඉතින් ආයුබෝවන් Facebook.....

2009-04-03T09:16:00.000+03:00

හැමෝම කැමති මම අකමැති එකෙන් මම අයින් වුනා. අයින් වෙන එකත් ලේසි නෑ. දැනට මගේ එකවුන්ට් එක ‍Suspend වෙලයි තියෙන්නෙ. තව දින 14කින් login නොවී හිටියම ඉබේම කැන්සල් වෙලායාවි.

මෙන්න මෙහෙමයි කැන්සල් කරගත්තේ.

මෙතනට යන්න

Submit කරන්න

එච්චරයි

Skype කෝල් රෙ‍කෝඩරය

2009-04-02T15:34:00.000+03:00

මේක ඒතරමි අලුත් දෙයක් නෙමෙයි එත් සමහර වෙලාවලදී අතිශය වැදගත් වන Software එකක්.

තවත් ඔනතරම් ස්කයිප් කෝල් රෙකෝඩර් තියනව තමයි. ඒත් මේක ‍බොහොම බර‍ අඩු පාවිච්චිය ඉතා පහසු එකක්. මම දැනට භාවිතා කරන පැමලා කෝල් රෙකෝඩර ප්ලග්ඉන් එකට වඩා මේක හුගක් හොදයි කියල මට හිතෙනව. බාගන්න තියෙන්නෙ zip රැදවුමක් විදියට

මේක පරිගණකයේ ඉන්ස්ටෝල් කරලා අහන කොට Skype Access දුන්නනම් එච්චරයි.

භාවිතයට අවශ්‍ය සුදුසුකම්

වින්ඩෝස් 2000, XP, Vista
Net Framework 2.0 or later
Skype

මෙතනින් බාගන්න

ලෝකයේ උසම ගොඩනැගිල්ලටත් අකුණු ගහපු හැටි...

2009-04-01T19:04:00.000+03:00

දැනට වැඩ ඉවර කරගෙන යන බුරාජ් ටවර් එකට පහුගියදා මැදපෙරදිගට ආපු කුණාටුව මැද්දෙ අකුණු ගැහුවෙ මෙන්න මෙහෙමයි..

රිය අනතුරු අඩුවක් නැත...

2009-03-30T19:34:00.000+03:00

කටාර් රාජ්‍යයේ අඩුනැති දෙයක් තමා රිය අනතුරු.. හැමදාමත් උදේ රැකියාවට යද්දී තැලුනු වාහන 2ක් 3ක් අනිවාර්යයි. මෙහි රජයෙන් අනතුරු වැලැක් වීමට සෑහෙන උත්සාහයක් ගන්නව. ඒත් මේක පාලනය කරන්න හරිම අමාරැ වැඩක්.

මේ බලන්න පහුගිය දින කිහිපයකදි වුනු අනතුරු

2009 ජනවාරි පලමුවැනිදා

2009-03-30T17:22:00.001+03:00

මෙහෙමත් මීදුමක්....... මම මැදපෙරදිග රැකියාවට එද්දී තිබුනේ බොහොම නරක සිතිවිල්ලක් මේරට ගැන. ඒත් ආවයින් පස්සෙ තමා ටික ටික තේරැනේ. මේ පින්තූරෙ 2009 ජනවාරි පලමුවැනිදා තමයි ගත්තේ. බලන්න අපේ රටේ නුවර එලියටත් වඩා මීදුමක් ...... පුදුම සීතලක්.....

හැබැයි මේ රටේ අය කියන විදියට මේක තමා උණුසුම් කාලයේ පටන් ගැන්ම.

ඒක ඇත්තටම හැබෑවක් වෙමින් තියෙන්නේ මේ දවස් වල. prabathc@gmail.com